Nyimbu 137 - La Sainte Bible en Langue YipunuDUIMBU Va masimu mamijamba miBabylone 1 Va masimu mamijamba miBabylone tumatsana; tumalilanga ava tumarangimina Sion. 2 Tumaleliga bitara bietu mu miri mineni amimaba va mugula mujamba. 3 Ava balungitsi betu bamaturumina uwimbila nyimbu, bakilisitsi bamaruruma na bamavosa rie: Tuwimbililianu nyimbu tsiSion! 4 Tsie tuwimbilila nyimbu tsiFumu o bulongu bungana? 5 Pa nyugulibana Jerusalem ka muna mukilu gu nyukilusu, gogu ami umabaala usiesa. 6 Pa ngogurangimina, pa gugoba dibandu dinsangu ami, nyiyamuebakula diambu! 7 Aa Fumu, rangimina bisi Edom, rangimina yilumbu ayi Jerusalem umabongulu; bamagamuganga rie: Rakulanu, rakulanu nesi bibuga biandi. 8 Ndeʼ Babylone ubungu wandi! Ka muna ubueji gu uvu na mutu oyigugabusili pila mu mabi ama gumatuvayila. 9 Ka muna ubueji gu uvu na mutu oyigubuli baana benu mamanyi! |
La sainte Bible en langue Yipunu © Alliance Biblique du Cameroun, 1992.
Bible Society of Cameroon