Nyimbu 128 - La Sainte Bible en Langue YipunuDUIMBU Maboti ma-abasigama 1 Duimbu dumulingitsi. Ka muna ubueji gu uvu na basigama baFumu, abekipingi maruma mandi. 2 Gulabanga nsangu na bisalu abi gusala, guiabanga nsangu na gubanganga na tindi digumba. 3 Mugatsi agu oburanga nderi nungi ajivu na digumba; baana bagu bababaala boba nderi mioliva mimimbendila. 4 Nyiina, usigama uFumu anana ogabulu miula. 5 Fumu aguvu o Sion ogugabila miula ndeʼ gulabanga maboti maJerusalem 6 gulaba bategula bagu. Duvotsu dubi na baIsrael! |
La sainte Bible en langue Yipunu © Alliance Biblique du Cameroun, 1992.
Bible Society of Cameroon