Nyimbu 124 - La Sainte Bible en Langue YipunuDUIMBU Mbe Fumu asamaba netu… 1 Duimbu dumulingitsi na duDavid. Yika tsie baIsrael, mbe Fumu asamaba netu? 2 Wagulanu baIsrael! Mbe Fumu asamaba netu ava bavinitsi betu bamatutumunina 3 mbe bamatuboka mbisu ava bamatunyoyila kabu, 4 Mbana mamba mbe mamatudiamisa, nyidu mbe jimatulenduga. 5 Mbana mipupila mbe mimatudiamisa. 6 Diboti ombu Fumu agusamasingisa bavinitsi betu utubunga. 7 Tumarina nderi tsoli ajimarina murela batsoli; murambu umatuduga mbana jetu tumajegusu. 8 Duwamusu duetu duiruyili Fumu agumasunda julu na butamba. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon