Nyimbu 122 - La Sainte Bible en Langue YipunuDUIMBU Duvotsu dubi o Jerusalem 1 Duimbu dumulingitsi na duDavid Ka muna nsangu ji ava bensingulili rie: Tʼwendi o Ndagu Fumu! 2 Aa Jerusalem, tuisikimi va makotulu magu! 3 Jerusalem umamuerungululu nyiina, musiengi agu motsu mewendi buranga. 4 Bifumba biotsu uweʼ bewendi, bifumba biFumu abiruyili o ulinga uyenayitsanga Fumu! 5 Aguna uvu yitsiga yimutegula uDavid, ayi etabulili bunsonsi. 6 Sambilanu yiri Jerusalem uba na duvotsu! Aa Jerusalem jogu abegurondi balabi nsangu nesi yivumu. 7 O gari bivaga biagu ubi duvotsu; bidungu biyakota o mandagu magu! 8 Mu diambu dibaana bataji bami na bambatsi bami nyirondi duvotsu dubi nagu. 9 Mu diambu diNdagu Fumu Nsambi etu nyimasambila yiri jibi na maboti. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon