Nyimbu 12 - La Sainte Bible en Langue Yipunu

DUIMBU Mambu maFumu na mbivulu tsibatu

¹ Duimbu duyivunda yibawimbitsi na duDavid adumawimbulu na sambi ajivu na yinana yimikudu.

² Aa Fumu, kwaki kalala! Batu basigama bagatsi, usigama uotsu umatsiemuga.

³ Ufurasana befurisini posulu tsindunsulu tsivu nogu, nesi penda.

⁴ Fumu atsiemusi badunsitsi botsu, nesi bango dunangu,

⁵ Jogu abevosi rie; Tuijabi adi tuvosa udila adi tuirondi, tuvosa nana tuirondili. Anyi orungula utugubitsa?

⁶ Fumu evosi rie: Nyubawaka kalala! Abamakambulu betsogusu bijaga ubima bebimi.

⁷ Mambu maFumu mevagulu yitu mavu nderi lora jivema atsimapitsu yisambuali yikumbu o muji uliomusu.

⁸ Ndeʼ Fumu gukelisanga batu basungama, gutuwamusanga mutubu na dukula duedudu.

⁹ Gutuwamusa nesi ava batu abagekipi yitu nesi migaga betutsiengili yiari na yiari. Ka muna mbivulu tsi tsivu nogu!