Nyimbu 113 - La Sainte Bible en Langue Yipunu

DUIMBU Fumu uvega eveyi ditasa

¹ Yitsanu Fumu! Basalitsi baFumu, muyitsianu, yitsanu diina diFumu!

² Diina diFumu diyitsingu ubanda namunyi te na mutubu.

³ Ubandila ava matebugulu mawisi te na tsisiga diina diFumu diyitsingu!

⁴ Fumu erumi malongu motsu, bundumba buandi buiduku te no julu.

⁵ Anyi ebagunu na Fumu Nsambi etu? Mbura andi jivu o julu;

⁶ edokimini julu na butamba wandi.

⁷ Egusuli bijaga mu difufundu, epalisi abamakambulu o mabumbu,

⁸ ubatsanisa va mosi na bivunda, nesi batu bandi baneni.

⁹ Ekalusi yinguma mubusi, emuveyi nsangu va gari baana bandi. Yitsanu Fumu!