Nyimbu 11 - La Sainte Bible en Langue YipunuDUIMBU Ava motsu melabini nderi matsatsi 1 Duimbu duyivunda yibawimbitsi na duDavid. Nyina yisuemunu ombu Fumu. Tsie dutumina rie: Rina o mikongu dedi mosi na tsoli? 2 Labatianu batu babi uduta beduti pita, bamavakiga mbansa tsiogu mu mikudu utsinonga batu baboti o pisama. 3 Migaga minolensu mutu usungama yi ovaga? 4 Fumu avu o Ndagu andi; Fumu avu va yitsiga yiandi yibufumu o julu. Enengili batu botsu elabi ama bevayingi. 5 Fumu eweliyi mutu usungama, evini mutu mubi nesi bango dikasi. 6 Anoyisili batu babi magala mamuji na fula! Yimbongila yibatsiengili, ka muna mukilu gu! 7 Fumu avu asungama erondi dusungugu; batu basungama bemugengili yisuisu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon