Nyimbu 108 - La Sainte Bible en Langue YipunuDUIMBU Uviva nyivivi matebugulu (Bibuku 2-6: gengila 57.8-12; bibuku 7-14: gengila 60.7-14) 1 Duimbu duDavid. 2 Aa Nsambi, murima ami umawarusu! Nyuwimbila nosiyisa bisigu biami: na murima ami uotsu. 3 Ngomfi ami na sambi, rambuganu! Vengu nytirambusa wisi. 4 Fumu, nyuguyitsa va gari bisi malongu, nyuguwimbilila va gari malongu, 5 maboti magu meduku te no julu na usigama uagu te no mamungi. 6 Aa Nsambi, lasa buneni buagu abuiviolilijulu! Bundumba buagu bulabini mu butamba buotsu! 7 Abagu badurondu bawaku kalala, tugobuli na mangolu magu na tugulu wandi! 8 Nsambi amavosa o Mbura jiNsambi rie: Nyulunga, nyugaba musiengi uSichem na nyuwetsiga yibususu yiSoukot. 9 Galaad aguami na Manasse wandi. Efraim uvu yiviovi yiami; Juda uvu nguangu ami 10 Moab uvu nsienga aji nyibuilili; nyisunsi bapondu bami o Edom; o bulongu buPhilistin nyigamuyi ndungulu. 11 Anyi ombega o Edom? Anyi okwakisa musiengi ukandu? 12 Tsiri ndeʼ Nsambi? Tsia gumatubusa? Aa Nsambi, tsia gumabusa uwendanga na bagora betu? 13 Ruʼ yituwamusa na bavinitsi betu, duwamusu dumutu dugaa na tsongu. 14 Nsambi avu netu la dibandu tuluiiga; jandi otsiarila bavinitsi betu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon