Nyimbu 101 - La Sainte Bible en Langue YipunuDUIMBU Kaga uvangana evangini va gusu Nsambi 1 Duimbu duDavid. Nyuwimbilanga maboti na dusungugu. NdeʼFumu agu nyuwimbililanga. 2 Nyukevega ukekelisa. Temu yi guruyila ombu gami? Ngaa na penda nesi na bisi ndagu ami. 3 Tsatsabi, ngosinga mabi. Nyivini batu abeliyili Fumu nsima, ngoba na dinonga nogu. 4 Matasa mabi magoba nami; ngofubana na mutu mubi. 5 Menu nyuvotsa jandi oyifuengilili mbatsi andi o musuega. Ngorungula uwarila mimgo dunangu nesi jandi oyikematisa. 6 Nyina nsangu na bisi bulongu abuvu basigama; boba bambatsi bami. Jandi aguvu usigama la jandi agumansalila. 7 Mungo ndunsulu agotsananga o ndagu ami, nesi mufuritsi ngogaru va gusu ami. 8 Kedi na kedi nyuvotsa babi botsu babulongu, utsiemusa bavayitsi botsu bamabi o musiengi uFumu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon