Nehemie 12 - La Sainte Bible en Langue Yipunu

Miina mabavagulitsi bapagu na mabisi Levi

¹ Amama la miina mabavagulitsi bapagu na mabisi Levi abamaruga na Zorobabel muana dibaala uChealtiel na Yechoua: Seraya na Inneya na Ezra

² na Amaria na Mallouk na Hattouch

³ na Chekania na Rehoum na Meranot

⁴ na Iddo na Guinetoi na Abia

⁵ na Miamin na Maadia na Bilga

⁶ na Chemayana Yoyarib na Yedaya

⁷ na Sallou na Amoc na Hilquia na Yedaya. Abana bamaba basefu babavagulitsi bapagu na baana bataji bogu va temu Yechoua.

⁸ Bisi Levi: Yechoua na Binnoui na Cadmiel na Cherebia na Yehouda na Mattania. Mattania na baana bataji bandi bamawendisanga nyimbu tsiduyitsu:

⁹ Bacbouquia na Ounni bamasalanga bisalu biogu ombu baana bataji bogu.

¹⁰ Yechoua amabura Yoyaquim; Yoyaquim akabura Eliachib; Eliachib akabura Yoyada

¹¹ Yoyada akabura Yonatan; Yonatan akabura Yaddoua.

¹² Va temu Yoyaquim ababa bamaba bavagulitsi bapagu: Meraya agumaba sefu jimukuta uSeraya; Hanania agumaba sefu jimukuta uIrmeya;

¹³ Mechoullam agumaba sefu jimukuta uEzra; Yohanan agumaba sefu jimukuta uAmaria;

¹⁴ Y onatan agumaba sefu jimukuta uMelikou; Joseph agumaba sefu jimukuta uChebania;

¹⁵ Adna agumaba sefu jimukuta uHarim; Helcai agumaba sefu jimukuta uMerayot;

¹⁶ Zacharie agumaba sefu jimukuta uIddo; Machoullam agumaba sefu jimukuta uGuibeton;

¹⁷ Zikri agumaba sefu jimukuta uAbia; Piltai agumaba sefu jimukuta uMiniamin;

¹⁸ Chammoua agumaba sefu jimukuta uBilga; Yonatan agumaba sefu jimukuta uChemaya;

¹⁹ Mattenai agumaba sefu jimukuta uYoyarib; Ouzi agumaba sefu jimukuta uYedaya;

²⁰ Callai agumaba sefu jimukuta uSallai; Eber agumaba sefu jimukuta uAmoc;

²¹ Hachabia agumaba sefu jimukuta uHilquia; Netaneel agumaba sefu jimukuta uYedaya.

²² Va temu Eliachib na jiYoyada na jiYohanan na jiYaddoua bisi Levi bamaba basefu bamikuta na bavagulitsi bapagu bamasonugu o tsi durumu duDarius kaga jiPerse.

²³ Bisi Levi abamaba basefu bamikuta bamasonugu mu dibuku dimambu maneni te na temu jiYohanan muana dibaala uEliachib.

²⁴ Basefu babisi Levi: Achabia na Cherebia na Yechoua muana dibaala uCadmiel na baana bataji bogu abamaba nogu: bamosi bamasungasana na basusu, yisalu yiogu yimaba uyitsanga nododisanga Fumu nana bamarumunu na David agumaba mutu Nsambi.

²⁵ Mattania na Bacbouquia na Obadia na Mechoullam na Talmon na Accoub bamakelisanga makotulu maNdagu Nsambi.

²⁶ Jogu bana abamasalanga bisalu va temu jiYoyaquim muana dibaala uYechoua na mutegula uYossadac na va temu jiNehemie agumaba murumitsi na Esdras agumaba muvagulitsi upagu na musonitsi.

Nehemie uwendisa ewendisi yibenguna yiduwakusulu duyivaga yiJerusalem

²⁷ Ava bamamanisila urungulila yivaga yiJerusalem bamanengila bisi Levi abamatsananga yiari na yiari uruga o Jerusalem uyevaga feta jiduwakusulu; bamawimbilanga nyimbu na bamasiyilanga mikuku na bangomfi na basambi.

²⁸ Bawimbitsi bamagukama yiari na yiari biJerusalem no mimbu maNetofa

²⁹ no Bet-Guilgal no yiari yiGueba na Azmavet; bawimbitsi beni bamaruyila o mimbu ama bamakerungila o yiari na yiari biJerusalem.

³⁰ Bavagulitsi bapagu na bisi Levi bamakeliomisa na bamaliomisa batu na biabutsu na yivaga yimusiengi.

³¹ Nyimanangisa basefu baJuda va julu yivaga na nyimagukiga mabuli mabeji maneni mabawimbitsi. Aditega dimasogama o yiari yimabaala va julu yivaga o yiari yiyiabutsu yiMibondu.

³² Hochaya na dikabu dimosi dibasefu baJuda bamayenadukanga bawimbitsi beni

³³ mbana Azaria na Ezra na Mechoullam

³⁴ na Yehouda na Benjamin na Chemaya na Irmeya.

³⁵ Mbana baana bababaala bavagulitsi bapagu na mimbanda miogu na Zacharie muana dibaala uYonatan muana dibaala uChemaya muana dibaala uMattania muana dibaala uMikaya muana dibaala uZakour mutegula uAssaf

³⁶ na bambatsi bandi Chemaya na Azarel na Milalai na Guilalai na Maai na Netaneel na Yehouda na Hannani bamabega bisigu abi David agumaba mutu Nsambi amabaruma uvaga. Esdras agumaba musonitsi amabarumanga.

³⁷ Ava bamamatilila va yiabutsu yiYileka bamamata yikadi yimusiengi uDavid va misu mogu mbana bamamatila mu yivaga va julu ndagu David te no yiabutsu yiMamba o yiari ayi wisi epalili.

³⁸ Dibuli adimubeji dimawendasana o yiari yimagetu. Nyimayenabadukanga na yinombu yisusu va julu yivaga. Tumavioga o yiari yindagu jisakama jiFuru va mbura aji yivaga yimaroga;

³⁹ mbana tumavioga va yiabutsu yiEfraim na va yiabutsu yiGulu na yiabutsu yiNyama tsiMamba o yiari yindagu jisakama jiHananeel na ndagu jisakama jiCnet te no yiabutsu yiBindombu. Tumasikama va yiabutsu yiBagora.

⁴⁰ Mabuli mabeji mabawimbitsi mamasikama va Ndagu Nsambi. Jetu na bivovi tumasikama wandi.

⁴¹ Bavagulitsi bapagu: Eliaquim na Maasseya na Miniamin na Mikaya na Eliohenai na Zacharie na Hanania bamasiganga mimbanda.

⁴² Mbana Maasseya na Chemaya na Elazar na Ouzi na Yohanan na Malkia na Elam na Ezer, jogu bamaba bawimbitsi aba Izrahia amawimbisilanga.

⁴³ Muna yilumbu yieni bamavagula pagu tsiunyensa na bamasangilanga mu mbari Nsambi amabasa batu bandi na nsangu jineni. Bagetu na baana bamasangila wandi na migamu minsangu amimagamugulu o Jerusalem; mimagulunu vala.

Makabu mabavagulitsi bapagu na mablsi Levi

⁴⁴ Muna yilumbu yieni bamasolila babaala ukelisa bibuku bimandagu abimaba bisuegul bimiensili na biumanga na bimosi mu digumi bidigumba. Bamabavega yisalu yiugukiga dikabu didutsonsugu dibavagulitsi bapagu ne dibisi Levi adumatsonsugu omanungi mabaJuda nana dimasonugulu mu migaga, diwcndi rie: botsd bamalaba ubeji na bisalu bibavagulitsi bapagu na bibisi Levi,

⁴⁵ mu mbari bamakipanga rriotsu mayisalu yiNsambi ogu na bamadugusu duliomusu. Bawimbitsi na bakelisi bamakotulu bamasalanga bisalu biogu wandi nana David na muana andi Salomon bamabarumina.

⁴⁶ Kala kala va temu David na Assaf vamaba basefu babawimbitsi abamabawimbisanga na nyimbu tsiduyitsu na tsikabusulu tsimaboti uyitsa Nsambi.

⁴⁷ Va temu jiZorobabel na jiNehemie baIsrael bamavega bakelisi bamakotulu na bawimbitsi makabu mogu yilumbu na yilumbu. Va julu vana bamavega bisi Levi bima biyingitsi na bisi Levi bamagabila bategula baAaron bima biyingitsi.