Josue 15 - La Sainte Bible en Langue Yipunu

Bulongu abumadilu na yifumba yiJuda

¹ Dikabu adimadilulu na mbanda na yifumba yiJuda dimaba dedi na mikuta miogu, dimabandila o yiari yimandilu maEdom te no kumu jiTsin no tandu o masuka mabuonyi.

² Mandilu matandu mamabandila o Mubu Ukali o ditungu adisungasana o tandu.

³ Mamawenda te no yiari yimukongu uBakuru na mamavioyila o Tsin na mamamata o yiari yitandu o yiari yiCades-Bamea; mamavioyila o yiari yiHesron na yiAddar na mamayinguga o Carca;

⁴ va julu vana mamavioga o yiari yiAsmon na mamavioga te na mujamba uEgypte na mamayepalila o mubu; amana mavu mandilu menu o tandu.

⁵ Mandilu mayiari ayi wisi epalili mamabandila o Mubu Ukali te no malu maJourdain. Mandilu mabanda mamabandila o ditungu dimubu adivu o malu maJourdain.

⁶ Mamamata o yiari yiBet-Hogla na mamavioga o banda o Bet-Araba na mamamata te no dunanyi adimalugu Bohan, diina dimuana dibaala uRuben;

⁷ mamamata te no Debir yika mua vala na yibususu yiAkor na mamavindama o yiari yibanda no yiari yiGuilgal aguvu usungasana na mukongu uAdoumim o tandu mujamba. Mamavioyila va mugula umujamba uEn-Chemech na mamavindama te no En-Roguel.

⁸ Avana mamavioyila o yibususu yiHinnom o yiari yitandu yiJebus aguvu Jerusalem na mamamata te no julu mukongu aguvu va gusu yibususu yiHinnom o yiari ayi wisi ewendisini no disukusulu diyibususu yiRefaim o banda,

⁹ ubandila va julu mukongu, mamavindama te no yileka yiNeftoa na mamavioga o yiari yimisiengi amivu o mukongu uEfron na mamawenda te no Baala aguvu Quiriat-Yearim.

¹⁰ Vana Baala mamayinguyila o yiari ayi wisi ewendisini o yiari yimukongu uSeir, mamasabuga o yiari yibanda yimukongu Yearim o Kessalon na mamavindama o Bet-Chemech na mamavioyila va Timna.

¹¹ Mamabuesa uvindama o yiari yibanda yiEcron na mamavioga te no Chikaron na mamavioyila va mukongu uBaala na mamavindama te no Yabne uyepalila o mubu.

¹² Mandilu mayiari ayi wisi ewendisini mamaba Mubu Uneni. Anana mandilu mayifumba yiJuda mamabila yiari na yiari muna mikuta miogu.

¹³ Bamavega Caleb muana dibaala uYefounne dikabu va gari yifumba yiJuda nana Fumu amarumina Josue, bamamuvega Quiriat-Arba aguvu Hebron: Arba amaba taji Anac.

¹⁴ Caleb amabinga bifumba birieru biAnac: yifumba yiChechai na yiAhiman na yiTalmai.

¹⁵ Avana bamarambuyila uyetoga na bisi Debir va kala Debir umanengulungu Quiriat-Sefer.

¹⁶ Caleb amavosa rie: Nyuwetsa Axa, muana ami umugetu na jandi agubonga Quiriat-Sefer.

¹⁷ Otniel muana dibaala uQuenaz, muana nguji uCaleb amagubonga; Caleb amamuwetsa na muana andi Axa.

¹⁸ A va amakotila o diwela na Otniel amamuruma uvonda taji andi musiru. Amasunduga va julu buru andi na Caleb amamuwivula rie: Diambu yi?

¹⁹ Amawaka rie: Kabili! Tsia gumapega yiari yitandu? Peyi bileka wandi. Kabogu amamugabila bileka bineni nesi bigeyi.

²⁰ Adina dimaba disiala diyifumba yiJuda, muna mikuta miogu.

²¹ Misiengi amimarungulu o yiari yitandu o yiari yina yiyifumba yiJuda o yiari yimandilu maEdom umaba misiengi miemimi: Cabseel na Eder na Yagour

²² na Quina na Dimona na Adeada

²³ na Quedech na Hassor na Itnan

²⁴ na Zif na Telem na Bealot

²⁵ na Hassor-Hadatta na Queriot-Hesron aguvu Hassor

²⁶ na Amam na Chema na Molada

²⁷ na Hassar-Gadda na Hechemon na Bet-Pelet

²⁸ na Hassar-Choual na Bercheba na mimbu amamabambana,

²⁹ na Baalana Iyim na Essem

³⁰ na Eltolad na Kessil na Horma

³¹ na Siclag na Madmanna na Sanesanna

³² Lebaot na Chilim na En-Rimmon. Dutalu dumisiengi adudu: magumabeji na yifu na mimbu amamabambana.

³³ O kumu misiengi amimi: Echetaol na Sora na Achena

³⁴ na Zanoa na En-Gannim na Tappoua na Enam

³⁵ na Yarmout na Adoullam na Soko na Azeca

³⁶ na Chaaraim na Aditaim na Guedera na Guederotaim: yigumi na misiengi mina na mimbu amamabambana.

³⁷ Senan na Hadacha na Migdal-Gad

³⁸ na Dilan na Mispe na Yocteel

³⁹ na Lakich na Boscat na Eglon

⁴⁰ na Kabbon na Lahemas na Kitlich

⁴¹ na Guederot na Bet-Dagon na Naama na Maqueda: yigumi na misiengi misiamunu na mimbu amamabambana.

⁴² Libna na Eter na Achan

⁴³ na Ifta na Achena na Nessib

⁴⁴ na Queila na Akzib na Marecha yifu yimisiengi na mimbu amamabambana.

⁴⁵ Ecron na misiengi miotsu na mimbu amamabambana;

⁴⁶ ubandila na Ecron te no yiari ayi wisi ewendisini misiengi miotsu amivu bebeli na Asdod na mimbu amamabambana,

⁴⁷ Asdod na misiengi miotsu na mimbu amamabambana; na Gaza na misiengi miotsu na mimbu amamabambana te na mujamba uEgypte nesi te no mubu uneni aguvu mandilu.

⁴⁸ O yiari yimukongu misiengi amimi: Chamir na Yattir na Soko

⁴⁹ na Danna na Quiriat-Sanna aguvu Debir

⁵⁰ na Anab na Echtemoa na Anim

⁵¹ na Gochen na Holon na Guilo: yigumi na musiengi mosi na mimbu amamabambana.

⁵² Arab na Rouma na Echan

⁵³ na Yanoum na Bet-Tappoua na Afeca

⁵⁴ na Houmeta na Quiriat-Arba aguvu Hebron na Sior: yifu yimisiengi na mimbu amamabambana.

⁵⁵ Maon na Karmel na Zif na Youtta

⁵⁶ na Jizreel na Yocdeam na Zanoa

⁵⁷ na Cain na Guibea na Timna: yigumi yimisiengi na mimbu amamabambana.

⁵⁸ Haloul na Bet-Sour na Guedor

⁵⁹ na Maarat na Bet-Anot na Eltecone misiengi misiamunu na mimbu amamabambana.

⁶⁰ Quiriat-Baal aguvu Quiriat-Yearim naRabba: misiengi mibeji na mimbu amamabambana.

⁶¹ O kumu misiengi amimi: Bet-Araba na Middin na Sekaka

⁶² na Nibechan na En-Guedi: misiengi misiamunu na mimbu amamabambana.

⁶³ Bategula baJuda basamarungula ubinga baJebusie abamatsaninanga o Jerusalem kabogu baJebusie betsaningi va mosi na baJuda o Jerusalem te na namunyi.