Josue 12 - La Sainte Bible en Langue Yipunu

Bakaga abamabetsu na baIsrael

¹ Guluanu miina mabakaga aba baIsrael bamabelisa nobapatula malongu o disimu dina diJourdain o yiari ayi wisi epalili ubandila o mujamba uAmon te no mukongu uHermon na kumu jiotsu ajivu o yiari ayi wisi epalili.

² Sihon, kaga jiAmor agumatsaninanga o Hechebon. Durumu duandi dumabandila o Aroer, aguvu va mugula mujamba uAmon na ubandila va gari mujamba o yiari yimosi yiGalaad te no mujamba uYabboc aguvu mandilu mabaAmmon;

³ no kumu te no Yiliba yiGenesareth o yiari ayi wisi epalili nesi te no mubu ukumu no Mubu uKali o yiari ayi wisi epalili yiBet-Yechimot; no yiari yitandu nesi o banda mukongu uPisga.

⁴ Og, kaga jiBachan, nsialutsu jibaRefaim amatsaninanga o Achetarot no Edrei.

⁵ Durumu duandi dumabandila o mukongu uHermon va Salka o Bachan jiotsu te no mandilu maGuechour na Maaka no yiasi yimosi yiGalaad no mandilu maSihon kaga jiHechebon.

⁶ Moise, musalitsi uFumu na baIsrael bamabelisa bakaga beni; Moise, musalitsi uFumu amavega bulongu buogu ombu baRuben nʼombu baGad nʼombu yiasi yiyifumba yibaManasse.

⁷ Josue na baIsrael bamabelisa bakaga abamaba o disimu digunu diJourdain o yiari ayi wisi ewendisini ubandila o Baal-Gad o yibususu yiLiban o banda te no mukongu uPele aguvu o yiari yiSeir o tandu. Josue amavega bulongu buogu ombu bifumba biIsrael, yifumba yifumba mbura andi,

⁸ nesi o mukongu nesi o yibususu nesi o kumu nesi o migula mimijamba nesi o mbura tsigumuga nesi o tandu: o malongu mabaHitt na baAmor na bisi Canaan na baPerizie na baHivie na baJebusie.

⁹ Kabogu bakaga beni ababa: kaga jiJericho na kaga jiAi agumaba va mugula uBethel

¹⁰ na kaga jiJerusalem na kaga jiHebron

¹¹ na kaga ji Yarmout na kaga jiLakich

¹² na kaga jiEglon na kaga jiGuezer

¹³ na kaga jiDebir na kaga jiGueder

¹⁴ na kaga jiHorma na kaga jiArad

¹⁵ na kaga jiLibna na kaga jiAdoullam

¹⁶ na kaga jiMaqueda na kaga jiBethel

¹⁷ na kaga jiTappoua na kaga jiHefer

¹⁸ na kaga jiAfec na kaga jiSaron

¹⁹ na kaga jiMadon na kaga jiHassor

²⁰ na kaga jiChimron na kaga jiAkechaf

²¹ na kaga jiTaanak na kaga jiMeguiddo

²² na kaga jiQuedech na kaga jiYocneam o Carmel

²³ na kaga jiDor o julu tsimikongu miDor na kaga jiGoim bebefi na Galilee

²⁴ na kaga jiTirsa. Dutalu duotsu dubakaga: magumarieru na kaga mosi.