Jonas 2 - La Sainte Bible en Langue Yipunu

Dusambu dujonas

¹ Fumu amanima nyama mamba jineni uyemina Jonas. Jonas amasilama bilumbu birieru na mikolu mirieru o gari moji nyama mamba.

² Aguna amasambila Fumu Nsambi andi dusambu duedudu.

³ Na munyongu ami nyimagusambila ndeʼ gumakulu; o gari mbura jiabafu nyimagamuga na ndeʼ gumagulu diufi diami.

⁴ Gumambuaga o mbengi o gari mubu na mibiji mimandiamisa; mingiba na mibiji bimandenduga.

⁵ Nyimavosa rie: Fumu nyimabingu vala nagu! Aa mbe nyumuelaba Ndagu Nsambi.

⁶ Mamba mamakubiga te na mamabumboka, mbengi jimansudiga na bilelenga bimapieta muru.

⁷ Nyimavindama ie no maraʼ mamikongu, butamba bumansiemusa mutubu; tumba ndeʼ Fumu Nsambi ami gumapalisa na polu o tsi butamba!

⁸ Ava minima ami umabakimina, nyimagurangimina Fumu na dusambu duami dumatola te nombu gagu o Ndagu agu.

⁹ Jogu abesambili bansambi bamfurulu bagojaba dugobutsu.

¹⁰ Menu, nyuwimbila kabusulu tsimaboti, nyiguvagulila pagu. Nyudugusu bapangini aba nyimavangana. Nyiina, ndeʼ Fumu guikobub!

¹¹ Fumu amavosa na nyama mamba na nyama mamba jimaluga Jonas va disimu.