Jonas 1 - La Sainte Bible en Langue Yipunu

Jonas amaweliga urina Fumu

¹ Yilumbu yimosi Fumu amaruma Jonas muana dibaala uAmittai diruma diedidi rie:

² Retsama wenda o Ninive, musiengi uneni. Gukabalubusa mu mbari mabi mogu mamagulunu nami.

³ Jonas amaretsama urina o Tarsis vala na Fumu. Amawenda o Jaffa na amarasuna dikumbi dimamba adiwendi o Tarsis. Amafuta nsila na amanangama uwenda na balinsi o Tarsis vala na Fumu.

⁴ Tumba Fumu amatinda punga jineni o mubu, amagumbisa mungudi uneni. Djkumbi dimabudiama.

⁵ Babeyitsi badikumbi bamalaba goma; mutu mutu amasambila nsambi andi na bamabuaga bima abimaba mu dikumbi yin diulengalana. Mbe ka Jonas amasunduga o gari dikumbi na amayesilama; amawenda tindi yilu.

⁶ Fumu dikumbi amabambana nandi na amamuwivula rie: Dibandu yi guiwendili yilu? Simbuga, sambila Nsambi agu! Tanguji oturangimina mbana tugofu.

⁷ Bisi dikumbi bamanengasana rie: Ruganu tubuayianu mbanda ajitujabisa oyiturombisi maguga memama. Bamabuaga mbanda na mbanda jimagaanga Jonas.

⁸ Mbana bamamutsingula rie: Tutsinguli dibandu dimaguga memama? Yisalu yiagu yi? Agunyi guiruyisini? Bulongu buagu yi? Mbembu agu yi?

⁹ Jonas amabawaka rie: Nyiji Hebreu na nyidumi Fumu Nsambi aguvu o julu agumasunda mubu na butamba.

¹⁰ Bisi dikumbi bamagaangu na goma jineni na bamamuwivula rie: Dibandu yi gumavayila diambu diedidi? Bamajaba yiri urina erini Fumu mu mbari amabatubulila dionyi.

¹¹ Bamamuwivula rie: Yika tsie tuguvayila yiri mubu uvola? Mubu umaba na tindi bukanyi.

¹² Amabawaka rie: Mbongianu na mbuayianu mu mubu mbana mubu uvola; nyijabi yiri menu aguirombisi mungudi egugu uneni.

¹³ Bisi dikumbi bamaduganga uyetsiekama o disimu tumba basamarungula mu mbari mubu umabaviolila uranga.

¹⁴ Mbana bamasambila Fumu rie: Aa Fumu, guyatubokisa mu diambu didibaala diedidi. Dibi diandi diyaba va julu miuru mietu. Ndeʼ Fumu guivayi nana guirondili.

¹⁵ Mbana bamabonga Jonas na bamamubuaga mu mubu. Vana vana mubu umavola sui.

¹⁶ Bisi dikumbi bamagaangu na goma jineni jiFumu te nabamavagulilaFumu pagu na bamavangana bapangini.