Joel 3 - La Sainte Bible en Langue Yipunu

Fumu uwitila ewitili batu botsu Yinyunyi

¹ Fumu amavosa rie: Va julu vana nyuwitilila batu botsu Yinyunyi yiami; baana benu bababaala na babagetu bobiganga, binunu bienu bodoranga mandosi, bafudu benu bolabanga biriariamu.

² Nyuwitila Yinyunyi yiami nesi mu basalitsi bababaala nesi babagetu muna yilumbu yieni.

³ Nyulasa bimaga bineni o julu nesi va butamba. Voba malungu na muji na mamungi mansumbili.

⁴ Wisi ukaluga pisama, tsungi jiukaluga malungu ne yilumbu yiFumu yikatola. Yilumbu yieni yiuba yineni na yiranga.

⁵ Mutu uotsu agunengila dima diFumu ogobulu. O Jerusalem va julu mukongu uSion bamosi borina dubungu nana Fumu amavanginina. Abana boba aba Fumu amanengila.