Job 25 - La Sainte Bible en Langue YipunuMunu uBildad: Mangolu maneni maNsambi 1 Bildad muisi Chouha amamuevosa na Job rie: 2 Nsambi ana mangolu motsu nesi amavu na dunsiensi; evayingi duvotsu te no tindi julu. 3 Mabadi mandi magaa mapuela mapuela? Anyi agemonutsu na yijalala yiandi? 4 Tsie mutu obila asungama va gusu Nsambi? Tsie mutu agumaburu na mugetu obila alioma? 5 Va gusu Nsambi ne tsungi jigeluli, ne bambuelili bagaa balioma. 6 Yika tsie na bisi butamba? Abavu dedi mosi na bayinyi? |
La sainte Bible en langue Yipunu © Alliance Biblique du Cameroun, 1992.
Bible Society of Cameroon