Jeremie 47 - La Sainte Bible en Langue Yipunu

Mbigulu mu diambu diMoab

¹ Mambu ama Fumu amatsingula Jeremie mubiyitsi mu diambu dibaPhilistin ne Pharaon akatumuna Gaza. Fumu jandi rie:

² Mamba yika umata memati, mavu nderi nyidu ajimabasa mujamba; mamabasa bulongu nesi udiamisa biotsu abivu muna, nesi misiengi na jogu abetsani muna. Babaala ugamuga bagamuyi, bisi bulongu buotsu ulila belili.

³ Mikindu mibirodi bibakabala bandi mimagulunu nesi nduku jimakalu mandi na makulu mamonyi. Bataji ulibana belibini baana bogu, ukambulu bekambulu.

⁴ Yilumbu uruga yiruyi ayi baPhilistin botsu bobungulu nesi ubokisa abamasita uwamusa Tyr na Sidon. Fumu obunga baPhilistin nesi bansialutsu banyingi jiKaftor

⁵ Gaza amakaluga mukuili Ascalon avu sui, jenu bansialutsu baAnac, te na temu yi dukenemisilanga?

⁶ Aa dijenga diFumu te na temu yi diutsanina? Kota mu yisupu yiagu, sikama na ba sui!

⁷ Tsie ditsaniningi? Fumu ediveyi maruma mandi, edisindiyi o Ascalon nesi o mugula mubu.