Jeremie 45 - La Sainte Bible en Langue Yipunu

Bulumbi ombu Baruch

¹ Mu yilima yimuina bidurumu duJoaquim muana dibaala uJosias agumaba kaga jiJuda, Baruch muana dibaala uNeria amamusona bulumbi abu Jeremie mubiyitsi amamulonsa. Va temu eni Jeremie amaruma Baruch usona rie:

² Gulu adi Fumu Nsambi Israel evosi mu diambu diagu.

³ Guivosi rie: Ka muna maguga ma nyilabi! Fumu embuesi purulu va julu maguga mami; nyimatogulu na ngaa na yivumu!

⁴ Gulu bulumbi abu Fumu amatuma ugutsingula rie: Upansa nyipansi aji nyimarunga; urubula nyirubuli abi nyimavara; diwendi rie: nyubunga bulongu buotsu.

⁵ Ndeʼ guna bukidi ukerombila mambu maboti? Guyamueromba mu mbari maguga ama nyutinda modugunu biotsu abivu monyu. Fumu oyidivosi. Diuleba nyugusingisa ulaba motsu mana yiari na yiari abi guwendanga ne nana gugofu.