Jeremie 15 - La Sainte Bible en Langue Yipunu

¹ Fumu amansingula rie: Ne pa Moise na Samuel borelama va gusu ami ukwivula uwamusa batu bebaba, ngobawamusa. Babingi vala nami, bawendingi!

² Pa boguwivula rie: Agu tuwenda? Gukabawagula rie: Fumu jandi rie: Mutu mutu na dufu duandi; bamosi na yivunga, basusu na divita, basusu na dungosu dunsala, basusu na buviga!

³ Fumu amavosa rie: Nyubatindila mino-ngu mina mibidungu: dijenga ubabokisa; ba-mondi uyenabajanganga; batsoli uyenaba-dodanga na makoju uyenabavopulanga.

⁴ Nyubavaga yisanunu yibisi malongu motsu mu diambu didibi adi Manasse muana dibaala uEzekias agumaba kaga jiJuda amavaga oJerusalem.

Fumu amatopulu

⁵ Fumu amavosa rie: Jerusalem, anyi ogulasa yingeba? Anyi ogulila? Anyi osikama uguwivula rie: Guji buranga?

⁶ Fumu amavosa rie: Gumambusa na gumandiyila nsima. Nyusamba dikaka ugubunga, nyimatopulu ugabusa murima nsima.

⁷ Mu bulorigu buotsu nyimasalisa yisagulu yiami, nyimapatula batu bami baana na nyimababokisa. Tumba basamakalula diela mu diambu dinsimbulu tsiogu.

⁸ Nyimabarombisa uba na bakuili bapuela bapuela ne uviolila yisieyi yimubu. Nyimababeyila mubringitsi agumaboka bangogaga abamaba yika bafudu, banguji bogu bamasundila ulaba munyongu.

⁹ Fumu amavosa rie: Jandi agumabura yisambuali yibaana ebimingi, yika ufu efu; jandi esundili ufu na bilunsi; amalasu tindi yisonyi. Jogu abesiali nyubasingisa uboku va misu mabavinitsi bogu.

Jeremie utata etati, Nsambi uwarisa ewarisi mbila (Jeremie)

¹⁰ Ka muna maguga ma nyilabi! Mama ami, dibandu yi gumamburila? Nyivu mutu umitsundu na manguba ombu batu botsu. Diuleba ngesombi na ngesombisi botsu bensiengingi.

¹¹ Fumu amansingula rie: Dingensa gulaba maboti o gusu; dingensa nyurombisa bavinitsi bagu ugulembiyila va temu maguga na jimunyongu.

¹² Borungula ubogula madilu, madilu ameruyili o banda? Borungula ubogula kunga?

(Fumu)

¹³ Jenu baJuda nyusingisa busina buenu na bungunu buenu biukindu o biari biotsu mu diambu dimasumu menu.

¹⁴ Nyuduvaga baviga babavinitsi benu o bulongu abu dugejabi. Muji ukabu ami umabangusu, usielasana uidusielisini.

(Jeremie)

¹⁵ Aa Fumu, ndeʼ guijabi motsu, tangimini, guyandibana, gabusila bakuanitsi bami pila. Guyakusula, ndeʼ aguvu na yingeba mu mbari mu diambu diagu nyiwarili bisiengu.

¹⁶ Nyimadila mambu magu na nyimamaranga, mambu magu mamandasa nsangu nobueji, nyiguyitsingi, Aa Fumu Nsambi Mabadi!

¹⁷ Nyisamatsana o yibenguna yibadesitsi usangila nogu mu diambu diagu nyisamaba kingu mosi na basusu. Nyimabasa de na kabu agu.

¹⁸ Dibandu yi nyilabingi maguga? Dibandu yi pura ami jivu tindi buali najigebeluyi? Kabogu guvu ombu gami nderi mujamba aguisundili ukamuga agu mutu agovayila yitu!

¹⁹ Guluanu kabusulu tsiFumu: Pa gumuegabuga ombu gami nyugugabusa o yisalu yiami. Pa gukakasana amavu maboti na amavu nsoruru ndeʼ guba yikambi yiami. BaJuda bogabuga ombu gami, tsiri ndeʼ agugabuga ombu gogu.

²⁰ Fumu amavosa rie: Mbana nyuguvaga nderi yivaga yineni yikunga. Mu diambu dibatu beni jogu bogutoyisa tumba bagogubetsa; nyuba nagu ugugobula noguwaka kalala.

²¹ Nyuguwaka kalala ombu batu babi, nyugugobula ombu bango dikasi!