Esdras 10 - La Sainte Bible en Langue Yipunu

BaJuif uboka beboki mawela na bagetu bamalongu mangana

¹ Esdras anogudama va gusu Ndagu Nsambi amahla, amasambila na amavega Nsambi kokolu; batu bapuela bapuela baIsrael bamagukama ombu gandi, nesi babaala nesi bagetu na baana; botsu bamalilanga tindi ulila.

² Mbana Chekania muana dibaala uYehiel mutegula uElam amatsingula Esdras rie: Tumavayila Nsambi etu dibi; tumawelana na bagetu bamalongu mangana. Ne nana baIsrael bamosi baki monyu.

³ Kabogu tuvanginianu pangini na Nsambi etu, tugusulianu bagetu beni na baana bogu. Tuvayianu nana Fumu erondili na tukipianu maruma maNsambi etu. Tudedilianu migaga miandi!

⁴ Relama, diambu diedidi divu va julu muru agu. Jetu tuvu nagu. Guyaregama, salanga!

⁵ Esdras amarelama. Amalevisa bivunda bibavagulitsi bapagu abamaba bisi Levi na ba Israel botsu pesi udugusu adimavosu na Chekania. Botsu bamajileva.

⁶ Mbana Esdras amagusuga va gusu Ndagu Nsambi na amakota o ndagu Yohanan muana dibaala uEliachib; anokota amabusa uji nonu; amaba na munyongu mu diambu dimasumu mabambatsi bandi.

⁷ Bamasamuna o Juda no Jerusalem rie: Botsu abamaba baviga bagukimi o Jerusalem.

⁸ Mutu uotsu agugowenda o yibenguna yieni, yiotsu yibilumbu birieru basefu na bivunda bomupatula biandi biotsu na jaʼ beni ogusulu va gari batu bandi.

⁹ Bilumbu bieni birieru binovioga babaala botsu baJuda na baBenjamin bamayegukama o Jerusalem, dimaba mu yilumbu yimagumabeji yitsungi jimufu ayi bamaba va dulombili duNdagu Nsambi. Mu diambu digoma na dimfula botsu bamaregamanga.

¹⁰ Esdras muvagulitsi upagu anorelama amavosa rie: BaIsrael dumavaga dibi dineni ava dumawelila bagetu bamalongu mangana. Dumaroyisa mbela tsibaIsrael.

¹¹ Tubulilanu Fumu Nsambi bataji benu dibi dienu, vaganganu amomulasa ubueji! Kakananu na bagetu benu bamalongu mangana.

¹² Dibuli diotsu bamagamuga rie: Divu diwelimina! Tuvaga nana guivosili!

¹³ Tumba batu bavu bapuela na mfula unoga jinoyi na digaa diwelimina uba va dulombili; yisalu yieyiyi yigaa yiyilumbu yimosi nesi bibeji mu mbari bapuela va gari etu bamavaga adi guivosi.

¹⁴ Basefu betu babi vana o yibenguna yiotsu na botsu abamawela bagetu bamalongu mangana boruganga mutu mutu na temu andi va mosi na bivunda na bansonsi bakadi musiengi. Tukunsa diambu diedidi te na kabu jiNsambi etu jiusaguga.

¹⁵ Yonatan muana dibaala uAssael na Yazia muana dibaala uTicva bamabusa; Mechoullam na muisi Levi Chabbetai bamafubana nogu.

¹⁶ BaIsrael basusu abamaba baviga bamadisinga. Esdras muvagulitsi upagu amasola basefu bamikuta muna bifumba bibataji bogu, mutu mutu na diina diandi; bamatsana yilumbu yitega yitsungi jimugumi utabula diambu dieni.

¹⁷ Yilumbu yitega yitsungi jitega bamamana na babaala botsu abamawela bagetu bamalongu mangana.

Miina mabaJuif abamatsimbu

¹⁸ Va gari bavagulitsi bapagu abamawela bagetu bamalongu mangana ababa: bategula baYechoua na babaana bataji bandi muana dibaala uYossadac: Maasseya na Eliezer na Yarib na Guedalia;

¹⁹ bamavangana ugusula bagatsi bogu novagula mulumi yindombu upagu utsindula dibumi;

²⁰ bategula balmmer: Hanani na Zebadia;

²¹ bategula baHarim: Maasseya na Elia na Chemaya na Yehiel na Ouzia;

²² bategula baPachehour Eliohenai na Masseya na Ismael na Netaneel na Yozabad na Elassa.

²³ Va gari bisi Levi: Yozabad na Chimei na Quelaya (agumanengulu Guelita) na Petahia na Yehouda na Eliezer.

²⁴ Va gari bawimbitsi: yika Eliachib. Va gari bakelisi bamakotulu: Challoum na Telem na Ouri.

²⁵ Va gari baIsrael basusu: bategula baParouch: Ramia na Izia na Malkia na Miamin na Elazar na Malkia na Benaya;

²⁶ bategula baElam: Mattania na Zacharie na Yehiel na Abdi na Yeremot na Elia;

²⁷ bategula baZattou: Eliohenai na Eliachib na Mattania na Yeremot na Zabad na Aziza;

²⁸ bategula baBebai: Yohanan na Hanania na Zabbai na Atlai;

²⁹ bategula baBani: Mechoullam na Mallouk na Adaya na Yachoub na Cheal na Yeremot;

³⁰ Bategula baPahat-Moab: Adna na Kelal na Benaya na Maasseya na Mattania na Bessalel na Binnoui na Manasse;

³¹ Bategula baHarim: Eliezer na Issia na Malkia na Chemaya na Chimon

³² na Benjamin na Mallouk na Chemaria;

³³ Bategula baHachoum: Mattenai na Mattatta na Zabad na Elifelet na Yeremai na Manasse na Chimei;

³⁴ bategula baBani: Maadai na Amaram na Ouel

³⁵ na Benaya na Bedia na Kelouhou

³⁶ na Vania na Meremot na Eliachib

³⁷ na Mattania na Mattenai na Yassai

³⁸ na Bani na Binnoui na Chimei

³⁹ na Chelemia na Natan na Adaya

⁴⁰ na Maknadebai na Chachai na Charai

⁴¹ na Azarel na Chelemia na Chemaria

⁴² na Challoum na Amaria na Joseph;

⁴³ Bategula baNebo: Yeiel na Mattitia na Zabad na Zebina na Yaddai na Joel na Benaya.

⁴⁴ Babaala beni botsu bamawela bagetu bamalongu mangana na bapuela bamabura baana nogu.