Biblia Todo Logo
Bìoball air-loidhne

- Sanasan -

Esaie 62 - La Sainte Bible en Langue Yipunu


Jerusalem umuerungululu

1 Mu diambu didurondu duJerusalem ngovola sui, mu diambu didurondu duSion, ngodunda te na dusungugu duandi dulabana nana wisi uitebuyili na dugobutsu duandi dubagunu na yitutu ayiluli.

2 Mbana bisi malongu bolaba yiri Fumu amagugobula na bakaga botsu bolaba bundumba buagu. Bogunengilanga na diina digona adi Fumu jaʼ beni oguluga.

3 Ndeʼ guba nderi dugaba dubundumba va dikaka diFumu nesi dugaba dukaga va dikaka diNsambi agu.

4 Bagomuegunengilanga rie: Musiengi ulibunu. Bagomuenengilanga dilongu diagu rie: Butamba budukanga. Tumba bogunengilanga rie: Nsangu jiFumu, na bonengilanga butamba buagu rie: Mugatsi. Mu mbari Fumu elabi nsangu nagu, na butamba bukota o diwela.

5 Nana mufudu efubinini na tsiemi anana jandi agumuegurungulila obila mulumi agu; nana mugatsi elasili mulumi andi nsangu anana ndeʼ gulasila Nsambi agu nsangu.

6 Jerusalem, nyimasunsa bawaisi mu julu tsibivaga biagu; bagoba sui nesi nyangu nesi mukolu. Jenu aduirangimini Fumu duyavuma!

7 Duyamusingisa yivumu te na omuerungulila Jerusalem nesi te na olasa bundumba bubulongu buotsu!

8 Fumu amagana kaka rie: Yiotsu ayi mangolu mami mavu ngomuesingisa bavinitsi bagu ukinda ble atsi gumavara, benyi bagomuenuanganga malamu magu ama dumatsoganga udila.

9 Tumba jogu abotsonsiga ble botsijanganga na boyitsanga Fumu. Abogama malamu bomanuanganga va piasu tsiNdagu ami.

10 Bisi Jerusalem, vioganu vioganu va miunu njindagu! Solilanu batu nsila! Solanu, solanu nsila! Gusulanu mamanyi! Matisilanu batu yilimbu!

11 Fumu amatubula amandi te no masuka mabulongu rie: Tsingula bisi Sion rie: Laba, Mugobutsi agu uruga eruyi; laba, ubega ebeyi batu bandi, aba amadila, aba amaketsoyisila.

12 Bodunengilanga batu baNsambi aba Fumu amawaka kalala. Ndeʼ Jerusalem bagomuegunengilanga: Musiengi ulibunu tumba bogunengilanga: Musiengi aguirondungu.

La sainte Bible en langue Yipunu © Alliance Biblique du Cameroun, 1992.

Bible Society of Cameroon
Lean sinn:



Sanasan