Esaie 4 - La Sainte Bible en Langue Yipunu1 Muna yilumbu yieni yisambuali yibagetu bogaanga dibaala dimosi na bovosa rie: Tuji biguji bijetu beni tuduara biduaru bijetu beni, dimosi buandi, tuweli! Tugusulili yisonyi! Bansialutsu baJerusalem 2 Muna yilumbu yieni ayi Fumu osingisa yivaru ubenda yiuba na kembu na bundumba, bansialutsu baIsrael bosangila na bolaba ubueji na milunda amiufunanga. 3 Bansialutsu baSion na baJerusalem bonengulungu aba Nsambi, diwendi rie: botsu aba Fumu osona mu dibuku diandi utsana o Jerusalem. 4 Fumu ovotsa punga jidusungugu na jiduliomusu ava osusila muinsi ubanumba baSion noliomisa malungu amamadeka o Jerusalem. 5 O yiari yiotsu yimukongu uSion na mu mbura tsibibengunu Fumu ovaga dimungi adiuronguganga nyangu na muji aguvendumuganga mukolu mu mbari bundumba buFumu bubabambanga. 6 Voba yisuemunu yiyiusila yimuangulu na yimungudi na mfula. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon