Esaie 20 - La Sainte Bible en Langue YipunuEsaie ulinga eyenalinga penyi 1 Yilima ayi Tartan amasindugu na Sargon agumaba kaga jiAssyrie ama yekanda Asdod na amagubonga. 2 Va temu eni Fumu amatsingula Esaie muana dibaala uAmots rie: Vula siela ajivu mu dilungu diagu na vula bapondu wandi; adina amavaga; amalinga penyi na asamaduara bapondu. 3 Fumu amavosa rie: Yiotsu yibilima birieru musalitsi ami Esaie akalinganga penyi na agaaduara ne bapondu; adina diuba yilimba na dilubu ombu bisi Egypte na bisi Ethiopie te na bilima birieru. 4 Dedi mosi kaga jiAssyrie obeyila bakoli na baviga baEgypte na baEthiopie; jogu boba nesi bafudu nesi binunu. Bobegu penyi na bagoduara bapondu. Ka muna yisonyi yi bisi Egypte bolaba! 5 Mbana bobakama mirima nolaba yisonyi mu diambu diEthiopie aguvu tsongu ogu na diEgypte agu bamakakisa. 6 Va temu eni bisi yiari yieni bovosa rie: Labatianu adikavu na batu aba tumatasila; ombu gogu tumawendanga mambangu udila duwamusu nowaku kalala ombu kaga jiAssyrie! Anyi otuwaka kalala? |
La sainte Bible en langue Yipunu © Alliance Biblique du Cameroun, 1992.
Bible Society of Cameroon