Esaie 15 - La Sainte Bible en Langue YipunuMbigulu mu diambu diMoab (Kapu 15-16: gengila Jer 48) 1 Mbigulu mu diambu diMoab: Mukolu umosi musiengi umapansu, nyiina, Ar-Moab umabungu! Mukolu umosi musiengi umapansu, nyiina, Quir-Moab umabungu! 2 Bisi Dibon uwenda bewendi o mbura tsiduyitsu uyelila; bisi Moab ulila belili o Nebo nesi o Medeba. Botsu bamafuga maviolu nesi biedu bimatabulu. 3 Mu mansila mamusiengi bamayenaduranga basiela nesi o julu tsimiansa nesi o makasa, botsu bamanyonganga na bamalilanga. 4 Bisi Hechebon na Elale bamagamuganga migamu, bamagulu mufi mogu te no Yahas. Bagora baMoab bamalila na bamabakama mirima. 5 Nyimanyonga Moab barinitsi bamaweʼ mambangu te no Soar nesi o Eglat-Selissia; bamamata mukongu uLouhit nolila. Bamagamuga na munyongu mu nsila jiHoronaim, bamalila dubungu. 6 Bileka biNimrim bimabivusu nesi bisinga bimagumuga nesi birongula bimabungu nesi kembu jibiriri jimakuduga. 7 La dibandu begukiyili abimasialulu na besuvi bima biogu o disimu dina dimujamba ugeyi ubatobu. 8 Migamu mimatsiengila mandilu maMoab, mitatu miogu mimagulunu te no Eglaim nesi te no bileka biElim. 9 Mijamba miDimon yika malungu na malungu. Fumu amavosa rie: Nyutinda maguga magona o Dimon, yimbungu yiugaanga abamarina o Moab nesi bansialutsu babulongu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon