Esaie 12 - La Sainte Bible en Langue YipunuDuyitsu duNsambi Mugobutsi 1 Va temu eni guvosa rie: Aa Fumu nyigukakisi! Diuleba gumanyoyila, kabu agu jimasaguga na gumambembiga. 2 Laba Nsambi amakwaka kalala, nyumuvayila yitu, ngoduma diambu mu mbari Fumu aguvu Fumu ami avu mangolu mami na dibandu diduyitsu duami; jandi avu Mugobutsi ami. 3 Duleka mamba na nsangu o bileka abiveyi monyu. 4 Va temu eni duvosa rie: Yitsanu Fumu, nengilanu diina diandi; lasanu bisalu biandi ombu batu; rangimisanu buneni budiina diandi! 5 Wimbilanu uyitsa Fumu mu mbari amavaga mambu maneni; majabunu na bisi butamba botsu. 6 Jenu bisi Sion gamuganu migamu minsangu! Mu mbari Nsambi Israel avu muneni va gari enu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon