Ephesiens 6 - La Sainte Bible en Langue Yipunu

Bataji na baana bogu

¹ Menu baana vengu dudedila bataji na banguji benu mu mbari dionyi divu diwelimina ombu Fumu.

² Yitsa taji na nguji agu la diruma ditega adivu na pangini ajiji rie:

³ Gutsananga buranga na gununa wandi.

⁴ Na jenu bataji duyanyoyisa baana benu tumba babangusianu na malongi maFumu nobasungiga.

Bafumu na basalitsi bogu

⁵ Jenu basalitsi dedilanu bafumu benu na keri na goma na mirima misunda nderi duisalili Christ.

⁶ Duyadivaga yika va misu mogu ubalasa ubueji tumba dukanu duganu duNsambi nana baviga baChrist.

⁷ Basalilianu na yiusila nderi duisalili jaʼ beni Fumu, tsiri yika batu.

⁸ Jabanu yiri mutu mutu ne fumu ne muviga odila maboti mawelimina nana amasalilaFumu.

⁹ Na jenu bafumu vaganu munongu mosi ombu basalitsi benu; busanu mapemi. Jabanu yiri Fumu ogu na ajienu wandi aji o julu na va gusu andi vagaa duviakusunu dubatu.

Bitogulu bimutu uNsambi

¹⁰ Va julu vana warasananu mu mambu maFumu na mangolu mandi motsu.

¹¹ Duaranu bitogulu biotsu abi Nsambi eduveyi yiri durungula ubusa ndunsulu tsidiabu.

¹² Mu mbari jetu tugetoyi na batu tumba tuitoyi na binyunyi bibi na barumitsi na bango musuga abirumi va yiliyili.

¹³ La dibandu duaranu bitogulu biotsu biNsambi yiri durungula uwara mu yilumbu yimaguga na dunowara yiri duba sikiri.

¹⁴ Kabogu waranu: (nderi duiduari bitogulu biNsambi) ngensa mu mirima mienu jiuba nana munsiyi udivita na dusungugu duba nana bikutu bimadilu;

¹⁵ na yiusila ayiruyili mu Musamu Uboti yiuba nana bapondu

¹⁶ na yitu yiuba nana ngubu ajiviolili biotsu bina na jigayi milutsu mimbansa tsidiabu

¹⁷ na dugobutsu duba nana yisiemba na Yinyunyi yiNsambi na Mbembu andi biuba nana dijenga.

¹⁸ Sambilanganu temu tsiotsu na tsambu na dulembu, biotsu bibi biYinyunyi yimosi. Banu na yisuebiri yidugu na sambilanu mu diambu dibatu baNsambi botsu.

¹⁹ Sambilanu mu diambu diami wandi yiri Nsambi opega malongi va temu aji nyuvosila. Sambilanu wandi yiri nyuvosa na bukidi ava nyipalisili yisuegu yiMusamu Uboti.

²⁰ Diuleba nyiji o tsugu nyiji yilumbi yiMusamu Uboti. Kabogu nyimuevosa rie: Sambilanu yiri nyuvosa na bukidi nana divu diwelimina.

Ebaganini

²¹ Thychiquemuanatajiudurondunamusalitsi usigama uFumu oduvega misamu miami nana nyitsanini.

²² La dibandu nyimusindiyili ombu genu yiri dujaba nana tuvu mbana durungula usunsa mirima.

²³ Nsambi Tata na Fumu Jesus Christ babuesi duvotsu na durondu nesi yitu ombu baana baTaji botsu abavu na yitu!

²⁴ Maboti maNsambi mabi ombu botsu aberondi tindi uronda Fumu etu Jesus Christ.