Dutalu 26 - La Sainte Bible en Langue Yipunu

Sansama jimubeji jibaIsrael

¹ Va julu yivunga yieni Fumu amatsingula Moise na Elazar muana dibaala uAaron muvagulitsi upagu rie:

² Vaganu sansama jidibuli diotsu diIsrael ubanda na abakavu na magumabeji mabilima ne uviolila, dukabasansama muna mandagu mabataji bogu, diwendi rie: baIsrael botsu aborungula utoga divita.

³ Moise na Elazar, muvagulitsi upagu bamavosa nogu o kumu tsiMoab va mugula umujamba uJourdain va nsungisini na Jericho.

⁴ Bamavosa rie: Tuvaga sansama ubanda na abakavu na magumabeji mabilima ne uviolila nana Fumu amanimina Moise. BaIsrael abamapalila o bulongu buEgypte ababa:

⁵ Ruben tsomi jiIsrael. Miina mabaana bababaala baRuben amama: Henok, mu jandi mumapalila mukuta uHenok; Pallou, mu jandi mumapalila mukuta uPallou;

⁶ Hesron, mu jandi mumapalila mukuta uHesron; Karmi, mu jandi mumapalila mukuta uKarmi.

⁷ Amina la mikuta mibaana bababaala baRuben: jogu abamasansumu, dutalu duogu dumaba magumana na tosini yirieru na kama yisambuali na magumarieru.

⁸ Muana dibaala uPallou agugu: Eliab.

⁹ Baana bababaala baEliab ababa: Nemouel na Datan na Abiram. La Datan eni na Abiram eni abamanengulu o Yibenguna, abamatungila Moise na Aaron fundu o yibenguna yiCore ava bamabusila Fumu.

¹⁰ Butamba bumadibuga na bumabamina na Core wandi ava abamaba bagukama bamafuila na muji umasielasana kama beji na magumaranu mababaala: adina dimaba dilubu ulubusa batu.

¹¹ Baana bababaala baCore basamafu va temu eni.

¹² Baana bababaala baSimeon muna mikuta miogu: Nemouel, mu jandi mumapalila mukuta uNemouel; Yamin, mii jandi mumapalila mukuta uYamin; Yakin, mu jandi mumapalila mukuta uYakin;

¹³ Zera, mu jandi mumapalila mukuta uZera; Chaoul, mu jandi mumapalila mukuta uChaoul.

¹⁴ Amina la mikuta mibaana bababaala baSimeon: magumabeji na tosini beji na kama beji.

¹⁵ Baana bababaala baGad muna mikuta miogu: Sefon, mu jandi mumapalila mukuta uSefon; Hagui, mu jandi mumapalila mukuta uHagui; Chouni, mu jandi mumapalila mukuta uChouni;

¹⁶ Ozni, mu jandi mumapalila mukuta uOzni; Eri, mu jandi mumapalila mukuta uEri;

¹⁷ Arod, mu jandi mumapalila mukuta uArod; Areli, mu jandi mumapalila mukuta uAreli:

¹⁸ Amina la mikuta mibaana bababaala baGad; magumana matosini na kama yiranu.

¹⁹ Miina mabaana bababaala baJuda: Er na Onan tumba Er na Onan bamafuila o bulongu buCanaan.

²⁰ Baana bababaala baJuda muna mikuta miogu: Chela, mu jandi mumapalila mukuta uChela; Peres, mu jandi mumapalila mukuta uPeres; Zera, mu jandi mumapalila mukuta uZera.

²¹ Miina mabaana bababaala baPeres amama: Hesron, mu jandi mumapalila mukuta uHesron; Hamoul, mu jandi mumapalila mukuta uHamoul;

²² Amina la mikuta mibaana bababaala baJuda: magumidusambuali na tosini yisiamunu na kama yiranu.

²³ Miina mabaana bababaala baIssakar muna mikuta miogu: Tola, mu jandi mumapalila mukuta uTola; Pouva, mu jandi mumapalila mukuta uPouva;

²⁴ Yachoub, mu jandi mumapalila mukuta uYachoub; Chimron, mu jandi mumapalila mukiita uChimron.

²⁵ Amina la mikuta mibaana bababaala baIssakar: magumasiamunu na tosini jina na kama yirieru.

²⁶ Baana bababaala baZabulon muna mikuta miogu: Sered, mu jandi mumapalila mukuta uSered; Elon, mu jandi mumapalila mukuta uElon; Yaleel, mu jandi mumapalila mukuta uYaleel.

²⁷ Amina la mikuta mibaana bababaala baZabulon: magumasiamunu matosini na kama yiranu.

²⁸ Baana bababaala baJoseph muna mikuta miogu: Manasse na Efraim.

²⁹ Baana bababaala baManasse: Makir, mu jandi mumapalila mukuta uMakir. Makir akabura Galaad. Galaad, mu jandi mumapalila mukuta uGalaad.

³⁰ Miina mabaana bababaala baGalaad amama: Yezer, mu jandi mumapalila mukuta uYezer; Helec, mu jandi mumapalila mukuta uHelec;

³¹ Asriel, mu jandi mumapalila mukuta uAsriel; Chekem, mu jandi mumapalila mukuta uChekem;

³² Chemida, mu jandi mumapalila mukuta uChemida; Hefer, mu jandi mumapalila mukuta uHefer;

³³ Selofad muana dibaala uHefer asamabura baana bababaala tumba amabura baana babagetu. Miina mabaana babagetu baSelofad amama: Mala na Noa na Hogla na Milka na Tirsa.

³⁴ Amina la mikuta miManasse: magumaranu na tosini beji na yisambuali yikama.

³⁵ Amama la miina mabaana bababaala baEfraim muna mikuta miogu: Choutela, mu jandi mumapalila mukuta uChoutela; Beker, mu jandi mumapalila mukuta uBeker; Tahan, mu jandi mumapalila mukuta uTahan.

³⁶ Miina mabaana bababaala baChoutela amama: Eran, mu jandi mumapalila mukuta uEran.

³⁷ Amina la mikuta mibaana bababaala baEfraim: magumarieru na tosini beji na kama yiranu. Abana la baana bababaala baJoseph muna mikuta miogu.

³⁸ Baana bababaala baBenjamin muna mikuta miogu: Bela, mu jandi mumapalila mukuta uBela; Achebel, mu jandi mumapalila mukuta uAchbel; Ahiram, mu jandi mumapalila mukuta uAhiram;

³⁹ Choufam, mu jandi mumapalila mukuta uChoufam; Houfam, mu jandi mumapalila mukuta uHoufam.

⁴⁰ Miina mabaana bababaala baBela amama: Arde na Naaman. Arde, mu jandi mumapalila mukuta uArde; Naaman, mu jandi mumapalila mukuta uNaaman.

⁴¹ Amana la miina mabaana bababaala baBenjamin muna mikuta miogu: magumimana na tosini yiranu na kama yisiamunu.

⁴² Amama la miina mabaana bababaala baDan muna mikuta miogu: Chouham, mu jandi mumapalila mukuta uChouham. Amina la mikuta miDan muna mikuta miogu.

⁴³ Dutalu duotsu dumikuta miChouham: magumasiamunu na tosini jina na kama jina.

⁴⁴ Baana bababaala baAsser muna mikuta miogu: Imna, mu jandi mumapalila mukuta ulmna; Ichevi, mu jandi mumapalila mukuta ulchevi, Beria, mu jandi mumapalila mukuta uBeria.

⁴⁵ Baana bababaala baBeria bamapalila mu Heber diwendi rie: mu mukuta uHeber; Malkiel, mu jandi mumapalila mukuta uMalkiel.

⁴⁶ Diina dimuana mugetu uAsser dimaba Sera.

⁴⁷ Amina la mikuta mibaana bababaala baAsser: magumaranu na tosini yirieru na kama jina.

⁴⁸ Baana bababaala baNeftali muna mikuta miogu: Yassiel, mu jandi mumapalila mukuta uYassiel; Gouni, mu jandi mumapalila mukuta uGouni;

⁴⁹ Yesser, mu jandi mumapalila mukuta uYesser; Chillem, mu jandi mumapalila mukuta uChillem.

⁵⁰ Amina la mikuta miNeftali muna mikuta miogu: magumana na tosini yiranu na kama jina.

⁵¹ Adudu la dutalu dubaIsrael abamasansumu: kama yisiamunu na tosini mosi na yisambuali yikama na magumarieru.

Ugaba begabi bulongu

⁵² Fumu amatsingula Moise rie:

⁵³ BaIsrael beni botsu bogabana bulongu abuba abuogu nana dutalu dubatu abamasansumu.

⁵⁴ Jogu abavu na dutalu duneni gukabavega yiasi yibulongu ayineni na jogu abavu mua dikabu digeyi bodila yiasi yigeyi; bovega mukuta mukuta yiasi yiogu nana bamasansumunu.

⁵⁵ Tumba bulongu bugabu na mbanda; bobudila yiri buba buogu na miina mabifumba bibataji bogu.

⁵⁶ Na mbanda bogabinina bulongu va gari abavu na dutalu duneni na abavu na dutalu dugeyi.

Sansama jimubeji jibisi Levi

⁵⁷ Amama la miina mabisi Levi abamasansumu muna mikuta miogu: Guerchon, mu jandi mumapalila mukuta uGuerchon; Quehat, mu jandi mumapalila mukuta Quehat; Merari, mu jandi mumapalila mukuta uMerari.

⁵⁸ Mikuta miLevi amimi: mukuta uLibni, mukuta uHebron, mukuta uMali, mukuta uMouchi, mukuta uCore. Quehat akabura Amram.

⁵⁹ Mugatsi uAmram, diina diandi Yokebed, muana mugetu uLevi agu Levi amaburila o Egypte; jandi amaburila Amram baana: Aaron na Moise na yibusi yiogu Miriam.

⁶⁰ Aaron akabura: Nadab na Abihou na Elazar na Itamar.

⁶¹ Nadab na Abihou bamafu ava bamabeyila muji imgana va gusu Fumu.

⁶² Jogu abamasansumu, diwendi rie: babaala botsu ubanda na abakavu tsungi mosi ne uviolila bamaba magumabeji na tosini yirieru. Jogu basamasansumu va mosi na baIsrael mu mbari basamavegu dikabu va gari baIsrael.

Disukusulu disansama

⁶³ Aduna la dutalu dubaIsrael aba Moise na Elazar, muvagulitsi upagu bamasansama o kumu tsiMoab, bebeli na mujamba uJourdain va nsungisini na Jericho.

⁶⁴ Va gari ogu vasamaba na muana umosi uIsrael agu Moise na Aaron, muvagulitsi upagu bamalesansama o kumu jiSinai.

⁶⁵ Mu mbari Fumu amavosa rie: Bofuila o kumu na vagosiala ne umosi, yika Caleb muana dibaala uYefounne na Josue muana dibaala uNoun.