Dulasu 12 - La Sainte Bible en Langue Yipunu

Mugetu na mukuimbi-nyoga

¹ Wilimba yineni yimalabana o julu: vamaba mugetu agumapietu na wisi, amatsiarila tsungi na makulu mandi na amaduara dugaba dudigumi na mbuelili beji.

² Amagaangu na misongu la dibandu amabiminanga na amatatilanga.

³ Yilimba yisusu yimalabana o julu. Vamaba mukuimbi-nyoga ubenga. Umaba na yisambuali yimiuru na digumi dimasiyi, muru mum umaduisu dugaba.

⁴ Bambuelili bamapasu biasi birieru na muyila umukuimbi-nyoga umaduta yiasi yimosi yibambuelili na umababuaga va butamba. Mukuimbinyoga umarelama va gusu mugetu yiri akaji muana ava oburila.

⁵ Mbana mugetu amabura muana dibaala agumavegu musuga umma malongu motsu na mukasa ubudilu. Tumba muana amagaangu na amabegu ombu Nsambi o yitsiga yibufumu buandi.

⁶ Mugetu amarina o kumu. Guna Nsambi amamukunsila mbura na amayebungulu te na tosini na kama beji na magumasiamunu mabilumbu.

⁷ Vamaba divita o julu. Michel na biansa biandi bamatoga na mukuimbi-nyoga. Na mukuimbi-nyoga na biansa biandi bamatoga nogu

⁸ tumba mukuimbi-nyoga umabetsu kabogu jogu na biansa biandi bamapalusu o julu.

⁹ Mukuimbinyoga uneni umabuagu! Jandi avu nyoga ajimalugu diabu vo Satan, jandi amadunsa batu botsu. Jogu na biansa biandi bamabuagu vava tsi.

¹⁰ Mbana nyimagulu diufi dineni adimamyila o julu, dimavosa rie: Namunyi dugobutsu duNsambi dumalabana! Namunyi Nsambi amalasa mangolu mabukaga buandi! Namunyi Christ andi amalasa musuga andi! Mufunditsi baana bataji betu agumabafundisa va gusu Nsambi nyangu na mukolu amapalusu o julu!

¹¹ Baana bataji betu bamalunga mu diambu dimalungu maMuana Yindombu na mu diambu dingensa aji bamasamuna va julu vana bamavosa rie: Ne pa tufu vagaa diambu.

¹² La dibandu jenu bisi julu sangilanu! Ka muna maguga ma bisi butamba na bisi mubu bolaba! Diabu amasunduga ombu genu, abasa na kabu jineni mu mbari ejabi temu andi jika bebeli.

¹³ Mukuimbinyoga unobuagu va butamba, umaduka mugetu agumabura muana dibaala.

¹⁴ Mapapi mabeji mambira mamavegu ombu mugetu yiri apurumuyi o kumu. Amabungulu guna bilima birieru na yibuku, vala na mukuimbi-nyoga.

¹⁵ Mukuimbinyoga umapalisa mamba mu munu andi nderi mujamba agumabasu nyidu. Amadivaga yiri mugetu odiama mu mamba

¹⁶ tumba butamba bumawamusa mugetu; bumakamusa mujamba agumapalila o munu umukuimbi-nyoga.

¹⁷ Mukuimbinyoga umanyoyila mugetu na umatoga na bansialutusu babategula bandi, diwendi rie: botsu abamakelisa mamma maNsambi na abamaba basigama na ngensa ajimalonsu na Jesus.

¹⁸ Mukuimbinyoga umaba diteli va disimu dimubu.