Amos 4 - La Sainte Bible en Langue Yipunu

¹ Jenu bagetu baSamarie aduiroyi nana bangombi baBachan abavu o mukongu uSamarie guluanu adi nyirondi uvosa jenu duikambisi jogu abavu badeda; duilasa bijaga maguga; mbana duitsinguli balumi benu rie: Beganu malamu tunuanu!

² Fumu aguvu Fumu Nsambi amaleva rie: Menu aguvu Nsambi nyivosi rie: Yilumbu yiuruga ayi bodunangulila na milunga mimbasu, bategula benu bonangulu na maloba.

³ Bodupalisa mu maluta mabivaga mutu mutu na mbura andi na bodubuaga o yiari yibanda. Fumu oyidivosi.

Muyitsa umandosi

⁴ BaIsrael, wendanu o Bethel, yevagaqu masumu. Wendanu o Guilgal, yeviosulilanu bumbini buenu. Yevagulanga pagu tsienu kedi tsiotsu na yimosi yienu mu digumi kumbu beji mutsona.

⁵ Vagulanu pagu tsienu tsikabusulu tsimaboti atsivu na dufunu duneni! Wansanu muansu na tubulanu pagu tsienu, pagu tsiotsulsitondini! Fumu oyidivosi

Malubu amagaa na tsongu

⁶ Menu nyimadutindila dungosu dunsala o misiengi mienu miotsu. Nynnadugambusu biguji ne nana dusamagabuga ombu gami Fumu oyidivosi

⁷ Menu nyimaduwimina mfula diuleba mbe vakisiala miweli mirieru te na dustonsugu. Nyimanoyisa mfula o musiengi umosi nyimajigandisa o musiengi ususu nungi jimosi jimadila mfula na jisusu jisamajidila na jimagumuga.

⁸ Bisi misiengi mibeji nesi mirieru bamawenda o musiengi ususu uyenu mamba, tumba basamavotsa puila tsiogu ne nana dusamagabuga ombu gami. Fumu oyidivosi.

⁹ Nyimadukilisa na maali nesi ubemba o manungi menu mapuela: nesi mfuga tsirayisan nesi mifiga na mioliva; biotsu bisusu bimabungu na makokoku. Ne nana dusamagabuga ombu garni. Fumu oyidivosi.

¹⁰ Nyimadutindila yivunga nana nyimatindila bisi Egypte. Nyimabokisa bafudu benu o divita na bakabala benu bamakindu. Nyimadugulusu mbunga jibamfumbi o milaku mienu. Ne nana dusamagabuga ombu garni. Fumu oyidivosi

¹¹ Nyimadupansa dedi mosi nana nyimapansila Sodome na Gomonhe. Dumaba nderi digala adimapalusu o muji. Ne nana dusamagabuga ombu garni. Fumu oyidivosi

¹² La dibandu Israel nyuguvayila dedi mosi. Mu mbari nyuguvayila dedi mosi kabogu kunsama ubengasana Nsambi agu!

¹³ Kebananu: jandi agumavaga mikongu amasimda punga na ejabisi mutu matasa mandi. Jandi ekalusi matebugulu pisama, elingi va julu tsimikongu mibulongu. Mima mandi: Fumu na Nsambi Mabadi.