Amos 2 - La Sainte Bible en Langue Yipunu(Bisi Moab) 1 Fumu amavosa rie: Mu diambu dibukongu bubisi Moab ngogabusa murima nsima mu mbari bamanyensa bivisi bikaga jiEdom uvaga duso. 2 Nyunyensa Moab na muji usielasana mandagu maboti amavu o Queriot. Moab ubungana na kumfu jineni na migamu mineni na nduku jimumbanda. 3 Nyubokisa kaga na baana bandi botsu va temu mosi. Fumu oyidivosi. (Juda) 4 Fumu amavosa rie: Mu diambu dibukongu bubisi Juda ngogabusa murima nsima mu mbari bamalensa migaga miFumu na basamakelisa maruma mandi. Bamaketsiemusa uduka bansambi bangana aba bataji bogu bamadukanga. 5 Nyunyensa bulongu huJuda na muji usielasana mandagu maboti amavu o Jerusalem. (Israel) 6 Fumu amavosa rie: Mu diambu dibukongu bubisi Israel ngogabusa murima nsima mu mbari bamasumbisa agusungama udila lora jivema nesi bijaga udila bapondu. 7 Betsoyisi abamakambulu te na bekegotsa difufundu, bepatuli musuga u-abamakambulu. Muana na taji befubini yitsiga na mugetu umosi ulensanga diina diami diNsambi. 8 Besilimi va mugula kadi yinyensulu yipagu na beduari biduaru abi bamavegu tuga. O mandagu mabansambi bogu benuangingi malamu amamapatulu. 9 Nyimadubungila bisi Amor abamaba basakama nderi misedera na mangolu mogu mamaba nderi misena, nyimamibunga ubandila o ngansi te no bitayi. 10 Va julu vana nyimadupalisa o bulongu buEgypte na nyimaduwendisanga o kumu te na magumana mabilima uduvega bulongu buAmor. 11 Va gari baana benu bababaala nyimapalisa babiyitsi na va gari bafudu benu nyimapalisa baNazireat. Fumu amawivula rie: Tsiri nana nyimavayila va gari enu baIsrael? 12 Jenu dumarombisa baNazireat unuanganga malamu! Dumagandisa babiyitsi rie: Duyabiga! 13 Nyudugesumuna na duvaganga duweriti nderi dikalu adivu na mufuna uble. 14 Jandi aguvu ulenga agorungula urina; jandi aguvu na mangolu agorungula umasalisa; na ngogaga agorungula ukewaka kalala! 15 Jandi aguisalisi pita agorungula ugagana; jandi aguiwendi mbangu agorungula urina; na mubeyitsi kabala agorungula ukegobula. 16 Jandi oyiviolili bangogaga botsu mangolu orina penyi muna yilumbu yieni. Fumu oyidivosi. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon