2 Timothee 4 - La Sainte Bible en Langue Yipunu

¹ Jaba yiri Nsambi otabulila botsu bunsonsi, jogu abavu monyu na abamafu, kabogu mu diambu didurugu duJesus Christ na Durumu duandi nyigurumi rie:

² Samuna Mbembu andi nojiwarisa temu tsiotsu ne guna temu jiwelimina ne gugaa na temu; siemba nolubusa na uviolila motsu ba na pugu ava guilonsili

³ Mu mbari mu temu ajiuruga batu bobusa malongi mabod tumba bolimbiyila ugulu ama berondi, bokerombila milonsi amivu minoogu ami berondi.

⁴ Bobusa ugulu mangensa na bokevega ugulu yika tsavu.

⁵ Tumba ndeʼ ba sui mu mambu motsu; warila maguga; sala yisalu yimulonsi na dugusu yisalu yiagu na buranga.

⁶ Diweru diami dimatola, nyuvagulu nderi pagu; namapapa yika uweʼ nyiwendi.

⁷ Nyiji nderi mutu oyivovini; nyimamana mangolu mami motsu, diwendi rie: nyimawarisanga yitu yiami.

⁸ Nana oyivovini edili dugaba menu wami nyilabi yiri dugaba dudusungugu dumansuegulu, Fumu ojivu nsonsi jiwelimina opega duonyi mu yilumbu yieni tsiri yika menu tumba na botsu abavu na durondu, abevivi durugu duandi.

Malongi ombu Timothee jaʼ beni

⁹ Lensa noruga ombu garni

¹⁰ mu mban Demas amambusa kala na eduki mambu mabutamba buebubu, amawenda o Thessalonique na Crescens amawenda o Galatie na Tite wandi amawenda o Dalmatie.

¹¹ Yika Luc buandi aji nami. Ruganu jenu na Marc mu mbari aji awelimina utuwamusa na yisalu yietu.

¹² Nyimasindiga Thychique o Ephese.

¹³ Ava guruyila bega yijungi na mabuku, sinsa viri bibanda abi nyimalitxma o ndagu Carpus o Troas.

¹⁴ Alexandre jimukuba amapaga dibi dineni; Fumu omugabusila pila.

¹⁵ Ndeʼ wandi guyanonga nandi mu mbari evini mambu metu.

¹⁶ Temu ajitega aji nyimawenda o fundu nyisamaba na mutu ukwamusa, botsu bamambusa. Nsambi ayabavega mbela mu dionyi!

¹⁷ Tumba ne nana Fumu amakwamusa na amakwarisa yiri nyusamuna Musamu Uboti yiri abagaa baJuif botsu bogulu; nyimaba nderi mutu agumagaangu na yimbungu tumba nyimagobulu na Fumu.

¹⁸ Munongu mosi Fumu okobula mu mabi motsu na okotisa o tsi Durumu duandi o julu. Ombu gandi ubi bundumba bumutubu! Amen!

Ebaganini

¹⁹ Mambolu ombu Priscille na Aquilas na mukuta uOnesiphore.

²⁰ Er as te amasiala o Corinthe na nyimasila Trophime nobela o Milet.

²¹ Lensa noruga ne mangala akatebuga. Eubulus na Pudens na Linus na Claudia na baana baTaji botsu begutindili mambolu.

²² Fumu abi nagu! Maboti maNsambi mabi nenu!