2 Misamu 10 - La Sainte Bible en Langue Yipunu

YILOMBI YIBAKAGA BAJUDA Dibuli diSichem

¹ Roboam amawenda o Sichem mu mbari Israel botsu bamawenda o Sichem uyemubiatsa kaga.

² Jeroboam muana dibaala uNabat amagulu misamu mbe aki o Egypte agu amarina kaga Salomon. Kabogu amatabula diambu utsananga o Egypte.

³ Bamatindila mutu uyemunengila. Mbaria Jeroboam na ditiuli diotsu diIsrael bamawenda ombu Roboam na bamamutsingula mambu memama rie:

⁴ Taji agu amatsirisa yilala yietu; ndeʼ tupalisi o buviga nolengasana yilaia yitsira ayi taji agu amatunangusa. Jetu tuji tukunsama ugusalilanga.

⁵ Amabatsingula rie: Wendanganu, bilumbu birieru binovioga dukameuruga. Batu bamayenawenda.

⁶ Kaga Roboam amayewivula bivunda abimatsananga na taji andi yitsingu yiandi yiotsu rie: Kabusulu yi nyugabusila batu bebaba?

⁷ Bivunda bamamuwaka rie: Pa gukevaga musalitsi ubatu bebaba na pa gubasingisa dionyi na pa gubawaka na buranga jogu boba basalitsi bagu te na mutubu.

⁸ Tumba Roboam amabusa dilongi dibivimda amayewivula bafudu abamabanguga dibanguyila nandi.

⁹ Amabawivula rie: Kabusulu yi nyugabusila abatsikwivula rie: Gugolengasana yilala ayi taji agu amatunangusa?

¹⁰ Bafudu abamabanguga dibanguyila nandi bamawagula rie: Gtikagabusila batu abatsigutsingula rie: Taji agu amatsirisa yilala yietu, ndeʼ tulengisini yionyi! Gukabatsingula rie: Nyina bukanyi uviolila taji ami.

¹¹ Taji ami amadunangusa yilala yitsira, menu nyuyiviosulila utsirisa; taji ami amadukilisa na mikasa, menu nyudukilisa na bakuru.

¹² Jeroboam na batu botsu bamawenda ombu Roboam mu yilumbu ayimurieru nana amabatsingulila.

¹³ Kaga amawagula batu na bukanyi, amabusa malongi mabivunda.

¹⁴ Amavosa nogu na bukanyi nana bafudu bamamulonsila rie: Taji ami amatsirisa yilala yienu, menu nyuviosulila uyitsirisa; taji ami amadukilisa na mikasa, menu nyudukilisa na bakuru.

¹⁵ Anana kaga amabusila adi batu bamamuwivula; dionyi dimakunsu na Nsambi udugusu adi Fumu amavosa na Ahia muisi Silo agumaba mubiyitsi mu diambu diJeroboam muana dibaala uNebat.

Bufumu bumagabulu Roboam kaga jiJuda

¹⁶ BaIsrael banolaba yiri kaga amabusa diogu bamamuwaka rie: Tuna diambu na David? Tuna disiala na muana Jesse? BaIsrael gabuganu o mandagu menu! Ndeʼ mutegula David, kekelisa ndeʼ beni! Anana baIsrael bamagabuyila mutu mutu o ndagu andi.

¹⁷ Roboam amarumanga baIsrael abamatsananga o misiengi miJuda.

¹⁸ Mbana kaga Roboam amasindiga Hadoram ombu baIsrael agumabakdtisa o buviga.

¹⁹ Anana baIsrael basusu bamakakinina na baDavid mutubu.