2 Corinthiens 9 - La Sainte Bible en Langue YipunuMiensili amimatindu ombu baana bataji 1 Ne nana nyidusonini mu diambu diuwamusa batu baNsambi abavu o Judee. 2 Nyijabi duirondi ubawamusa na mu dionyi nyimadukakisa ombu bisi Macedoine. Nyimavosa rie: Ubandila yilima ayimavioga baana bataji o Grace baji bakunsama, yiusila yienu yimabavega yiusila wandi. 3 Nyisindiyi baana bataji yiri adi tumadukakisila diulabana, diwendi rie: dubi dukunsama. 4 Mbe bisi Macedoine bodurasuna dusakakunsama jetu botsu tugolaba yisonyi? 5 Adi nyimatasa rie: Diuba diwelimina yiri baana bataji botela mbana durungula uba dukunsama na mbongu atsi dumavangana. Kabogu tsiuba tsigukugu na dionyi diulasa yiri duiveyi na durondu tsiri ubamugu. 6 Dijabianu yiri jandi oyivari mua pesu otsonsiga mua pesu na jandi oyivari bipuela otsonsiga bipuela. 7 Mutu mutu eveyi nana amatabulila diambu o tsi murima andi, tsiri na munyongu vo ubamugu; Nsambi erondi yiri oyiveyi aveyi na nsangu. 8 Nsambi orungula uduvega minongu miotsu mimaboti, yiri dubanganga na mawelimina udugusu nsala tsienu tsiotsu na va julu vana durungula uwamusa basusu. 9 Bisonu bisonugu rie: Jandi amaviosulila ugabila bijaga; yisagumunu yiandi yiutsinga mutubu. 10 Jandi oyiveyi bivaru ombu muvaritsi na oyiveyi biguji oduvega bivaru biotsu abi duba na nsala na obifunisanga yiri uviosulila uenu uvega, udufunisila bisalu. 11 Jandi oduveganga busina buwelimina yiri durungula ugabilanga basusu mu dionyi bapuela bogabusila Nsambi diboti mu diambu dijetu nenu. 12 Diwendi rie: yisalu yienu yiuwamusa batu baNsambi na va julu vana ava batu boyilabila bogabusilanga Nsambi diboti, 13 mu mbari bolaba nana duvu ava duidedilingi Nsambi na ava duisamuniningi Musamu Uboti uChrist. 14 Bomugabusilanga diboti wandi mu mbari dumabagabila ne uviolila. Boba na nsala jineni uduwarisa na tsambu mu mbari bamalaba maboti amamaduvegu na Nsambi. 15 Tugabusilianu Nsambi diboti va mosi mu diambu dimuensili andi aguiviolili miotsu. |
La sainte Bible en langue Yipunu © Alliance Biblique du Cameroun, 1992.
Bible Society of Cameroon