1 Samuel 24 - La Sainte Bible en Langue Yipunu

David ubusa ebusi uboka Saul

¹ David amarambuyila uwenda o yiari yiEn-Guedi ayimaba uvura uvioga; agu amayetsanina.

² Ava Saul amaruyila ubingisa baPhilistin bamayemutsingula rie: David avu o yiari yiEn-Guedi.

³ Saul amasola tosini yirieru tsibagora badibadi diIsrael; amawenda uyeromba David na badukitsi bandi te no mikongu amisungasana na dimanyi dibukata.

⁴ Amatola va bivanga bibindombu abimaba va mugula nsila; avana bamaba dilima; amakota o gari dionyi uyesuba.

⁵ David na badukitsi bandi bamaba o ndunga jidilima. Badukitsi baDavid bamamutsingula rie: Adidi la diweru adi Fumu amagutsingula rie: Nyuguwakisa muvinitsi agu; muvayili nana guilabili diwelimina. David amarelama na amatabula difubu diyijungi yiSaul na buranga.

⁶ Tumba murima andi umaduda mu mbari amatabula difubu diyijungi yiSaul.

⁷ Amatsingula badukitsi bandi rie: Fumu akelisi yiri ngovayila fumu ami dibi! Jandi avu yibiatsi yiFumu.

⁸ Na mambu meni David amagubitsa badukitsi bandi ugaanga Saul. Mbana Saul amarelama upala o gari dilima na amayenawenda.

⁹ Va julu vana David amapala o gari dilima. Mbana amagamuyila Saul rie: Kaga, fumu ami! Saul amagengila o nsima andi na David amagudama va tsi.

¹⁰ David amawivula Saul rie: Dibandu yi guigululu posulu tsibatu abevosi rie: David erondi uguboka?

¹¹ Ndeʼ beni guilabi na misu magu yiri Fumu amaguwakisa namunyi ombu gami o gari dilima. Bamansibisa uguboka; tumba nsibusa na nsivosa rie: Ngobemba fumu ami, jandi avu yibiatsi yiFumu.

¹² Guilabi tata ami, ayivu va dikaka diami? Difubu diyijungi yiagu! Nsitabula difubu diyijungi yiagu na ngaaguboka; jaba na buranga vagaa ditasa didibi nesi dibumbini yiri nyuguvayila diambu. Tumba ndeʼ guitambili mirambu na guirondi umboka!

¹³ Fumu jaʼ beni abi nsonsi va gari jetu nagu; Fumu okabusilila pila ombu gagu; tumba meʼ beni ngoguvayila diambu.

¹⁴ Nongu jikala jivosi rie: Mbivulu tsiiuyili ombu batu babi. Ngoguvayila diambu.

¹⁵ Anyi kaga Israel etoyisi? Anyi guibingisi? Mondi ajimafu! Mugenyi!

¹⁶ Funiu abi nsonsi; atabulili jetu nagu bunsonsi. Fumu apeyi ndunga nokwaka kalala.

¹⁷ Ava David amamanina utsingula Saul mambu meni, Saul amawivula rie: Je dina diufi diagu David? Mbana Saul amagamuga na amalila.

¹⁸ Amatsingula David rie: Ndeʼ guvu uwelimina uviolila menu; ndeʼ gumapaga maboti, menu nyimaguvaga mabi.

¹⁹ Namunyi guindasi maboti magu; Fumu atsikwakisa ombu gagu ne nana gugaamboka.

²⁰ Pa mutu obenguna na muvinitsi andi omusingisa uyenawendanga? Tsatsabi! Fumu agusaki mu adi gutsipayila namunyi!

²¹ Mbana nyimajaba o gusu guba kaga na o tsi duiumu duagu bufumu buIsrael buwara.

²² Kabogu ndevili pesi na diina diFumu yiri gugobunga bategula bami o nsima ami na yiri gugotsindula diina diami o ndagu tajiami.

²³ David amajilevila Saul. Mbana Saul amayenawenda o ndagu andi tumba David na badukitsi bandi bamayenawenda o mikongu o yisuemunu yiogu.