1 Misamu 9 - La Sainte Bible en Langue Yipunu

¹ BaIsrael botsu bamasonugu muna mikuta miogu mu dibuku dibakaga baIsrael. BaJuda bamabegu o Babylone mu mbari bamasumuna migaga miNsambi.

Bisi Jerusalem

² Batega abamagabuga o misiengi miogu umuedila bima biogu bamaba baIsrael mbana bavagulitsi bapagu mbana bisi Levi mbana abamasalanga o Ndagu Nsambi.

³ O Jerusalem baJuda na baBenjamin na baEfraim na baManasse bamatsaninanga.

⁴ Mu yifumba yiJuda Outai muana dibaana uAmmihoud agumaba muana dibaala uOmrie mutegula uImri na mundelabongu uBani muna mukuta uPeres.

⁵ Mu mukuta uChela Assaya tsomi jiyifumba yiandi na baana bandi bababaala.

⁶ Mu mukuta uZera Yeouel. Dutalu dubaJuda abamasonugu o Jerusalem dumaba: kama yisiamunu na magumidufu.

⁷ Mu yifumba yiBenjamin Sallou muana dibaala uMechoullam mutegula uHodavia na mundelabongu uHassenoua;

⁸ na Ibneya muana dibaala uYeroam na Ela muana dibaala uOuzi na mutegula uMikri na Mechoullam muana dibaala uChefatia mutegula uReouel na mudelabongu ulbnia.

⁹ Babaala beni botsu bamaba basefu bamikuta mibataji bogu. Dutalu dubaBenjamin abamasonugu o Jerusalem dumaba: yifu yikama na magumaranu na basiamunu!

¹⁰ Bavagulitsi bapagu miina mogu amama: Yedaya na Yoyarib na Yakin

¹¹ na Azaria, bataji bandi bamaba Hilquia na Mechoullam na Sadoc na Merayot na Ahitoub; jogu bamaba bivunda biyisalu o Ndagu Nsambi;

¹² na Adaya, bataji bandi bamaba Yeroam na Pachehour na Malkia; na Maasai, bataji bandi bamaba Adiel na Yazera na Mechoullam na Mechillemit na Immer.

¹³ Va mosi na bavagulitsi bapagu na basefu babifumba bibataji bogu abamasoriugu bamaba tosini na yisambuali yikama na magumasiamunu. Botsu bamaba babaala bamangolu abamasalanga bisalu o Ndagu Nsambi.

¹⁴ Bisi Levi miina mogu Chemaya, bataji bandi bamaba Hachoub na Azricam na Hachabia mu mukuta mMerari;

¹⁵ na Bacbaccar na Herech na Galal na Mattania, baiaji bandi bamaba Mika na Zikri na Assaf;

¹⁶ na Obadia, bataji bandi bamaba Chemaya na Galal na Yedoutoun na Berekia muana dibaala uAssa mutegula uElcana agumatsananga o yiari yiNetofa.

¹⁷ Bakelisi bamakotulu abamatsana o Jerusalem ababa: Challoum agumaba yivunda va mosi na baana bataji bandi, Accoub na Talmon na Ahiman.

¹⁸ Botsu bana na bategula bogu te na namimyi bamaba bakelisi bamakotulu makaga amamaba o yiari ayi wisi epalili.

¹⁹ Challoum muana dibaala uCore mutegula uAbiassaf na mundelabongu uCore va mosi na bisi ndagu Core bamakelisa dikotulu diNdagu Yibenguna nana bataji bogu bamavagariga o milaku miFumu.

²⁰ Pinhas muana dibaala uElazar amaleba sefu ogu va kala mu mbari Fumu amabanganga nandi.

²¹ Zacharie muana dibaala uMechelemia amaba mukelisi umakotulu o Ndagu Yibenguna.

²² Dutalu duotsu dubakelisi bamakotulu maJerusalem dumaba kama beji na yigumi na babeji; bamasonugu mu mimbu mogu. Kala kala David na Samuel agumaba mubiyitsi bamabakotisa mu bisalu bieni.

²³ Jogu na bategula bogu bamakelisanga makotulu maNdagu Nsambi.

²⁴ Umaba bakelisi bamakotulu o biari biotsu bibina biNdagu Nsambi, o yiari ayi wisi epalili no yiari ayi wisi ewendisini no banda no tandu.

²⁵ Bakelisi basusu bamakotulu abamatsaninanga o mimbu bamawendanga temu na temu uyetsana yisambuali yibilumbu uyesala va mosi nogu.

²⁶ Bamaba bisi Levi bana abamasolu uba basefu babakelisi bamakotulu abamasalanga temu tsiotsu ukipanga bibuku bimandagu na bilundulu biNdagu Nsambi.

²⁷ Mikolu miotsu bamasiliminanga bebeli na Ndagu Nsambi mu mbari bamajikelisanga nodibulanga maguyi kedi na kedi.

²⁸ Bakelisi bamosi bamakotuiu bamabambanga bima biyingitsi, bamabitalanga ava bamabikotisilanga nesi ava bamabipalisilanga.

²⁹ Basusu bamakipanga bisaluhi biotsu biMbura Nsambi na fufu na malamu na matsi na bima bimbunga jiboti bimunongu na munongu.

³⁰ Bavagulitsi bapagu bamosi bamakunsanga bima bimbunga jiboti bimunongu na munongu.

³¹ Muisi Levi umosi diina diandi Mattitia tsomi jiChalloum mu mukuta uCore amavaganga mapa mageyi amamagangu.

³² Bisi Levi bamosi abamaba mu mukuta uQuehat bamavaganga mapa mapagu amamavagulungu Nsambi kadi yilumbu yiuvuma.

³³ Basefu babawimbitsi abamaba mu mukuta uLevi basamasalanga yisalu yisusu mu mbari bamanengulungu nyangu na mukolu; bamatsananga o bibuku biNdagu Nsambi.

³⁴ Jogu bana bamaba basefu bamikuta mibisi Levi, bamaba basefu muna kula tsiogu. Bamatsaninanga o Jerusalem.

Mukuta uSaul

³⁵ Yeiel amarungisa Gabaon na amayetsana va mosi na mugatsi andi Maaka

³⁶ na baana bandi bababaala ababa: tsomi andi Abdon mbana Sour na Quich na Baal na Ner na Nadab

³⁷ na Guedor na Ahio na Zacharie na Miclot.

³⁸ Miclot akabura Chiman. Bategula botsu bamatsaninanga o Jerusalem na baana bataji bogu basusu.

³⁹ Ner akabura Quich na Quich akabura Saul na Saul akabura Jonatan na Malkichoua na Abinadab na Ichebaal.

⁴⁰ Diina dimuana dibaala uJonatan adidi: Meribaal; Meribaal akabura Mika.

⁴¹ Miina mabaana bababaala baMika amama: Piton na Melek na Tarea.

⁴² Ahaz akabura Yara na Yara akabura Alemet na Azmavet na Zimri na Zimri akabura Mossa

⁴³ Mossa akabura Binea na Binea akabura Refaya na Refaya akabura Elassa na Elassa akabura Assel.

⁴⁴ Assel amabura baana bababaala basiamunu miina mogu amama: Azricam na Bokrou na Ismael na Chearia na Obadia na Hanan.