1 Misamu 4 - La Sainte Bible en Langue Yipunu

Bategula basusu baJuda

¹ Miina mabategula baJuda amama: Peres na Hesron na Karmi na Hour na Chobal.

² Reaya muana dibaala uChobal akabura Yahat na Yahat akabura Ahoumai na Lehad abamaba bategula bamukuta uSora.

³ Bandelabongu bataji Etam ababa: Jizreel na Ichema na Idbach, yibusi yiogu diina diandi: Haslelponi

⁴ Va julu vana: Penouel agumarungisa Guedor na Ezer agumarungisa Houcha. Abana la baana bababaala baHour tsomi jiEfrata agumarungisa Bethleem.

⁵ Achehour agumarungisa Tecoa amaba na bagatsi babeji, miina mogu Hela na Naara.

⁶ Naara akamuburila baana bana bababaala miina mogu amama: Ahouzam na Hefer na Temni na Ahachetari.

⁷ Hela akamuburila baana barieru bababaala miina mogu amama: Seret na Sohar na Etnan.

⁸ Cos akabura Anoub na Sobeba na mikuta miAharehel muana dibaala uHaroum.

⁹ Yabes amayitsungu uviolilabaana bataji bandi; nguji andi amamuluga Yabes mu mbari amalaba tindi diguga ava amamuburila.

¹⁰ Yabes amasambila Nsambi Israel rie: Kabila miula noroyisa bulongu buami na dikaka diagu dibi nami na kokolu tsiagu kwamusi mu maguga yiri ngotsoganga! Nsambi amamusingisa ama amavonda.

¹¹ Keloub muana taji Chouha akabura Mehir na Mehir akabura Echeton,

¹² Echeton akabura Bet-Rafa na Passea na Tehinna; Tehinna amarungisa Nahach. Bategula bogu bamaba bisi Reka.

¹³ Miina mabaana bababaala baQuenaz amama: Otniel na Seraya. Miina mabaana bababaala baOtniel amama: Hatat na Meonotai.

¹⁴ Meonotai akabura Ofra. Seraya akabura Yoab agumaba fumu musiengi ubasalitsi abamatsananga o yibususu yiBasalitsi.

¹⁵ Caleb muana dibaala uYefounne amabura baana barieru bababaala miina mogu amama: Irou na Ela na Naam. Ela akaburaQuenaz.

¹⁶ Miina mabaana bababaala baYahallelel amama: Zif na Zifa na Tiria na Assarel.

¹⁷ Miina mabaana bababaala baEzra amama: Yeter na Mered na Efer na Yalon. Mered amawela muana mugetu ukaga jiEgypte diina diandi: Bitia agumamuburila: Miriam na Chammai na Icheba agumarungisa Echtemoa.

¹⁸ Amawela mugetu ususu muisi Juda agumamuburila Yered agumarungisa Guedor na Heber agumarungisa Soko na Yecoutiel agumarungisa Zanoa.

¹⁹ Hodia amawela yibusi yiNaham; bategula bogu ababa: baGarmie abamatsana o Queila na baMaaka abamatsana o Echtemoa.

²⁰ Miina mabaana bababaala baChimon amama: Amnon na Rinna na Ben-Hanan na Tilon. Bategula balchei ababa: Zohet na baana bandi bababaala.

²¹ Miina mabategula baChela muana dibaala uJuda amama: Er agumarungisa Leka na Lada agumarungisa Marecha va mosi na mikuta mibabuangitsi balina abamatsana o Bet-Achebea;

²² na Yoquim na bisi Kozeba na Yoach na Saraf abamawelana na bagetu baMoab yiotsu ayi bamatsanina o Lehem, yifu yitemu kala.

²³ Bategula bogu bamaba babumbitsi bakaga abamatsananga o Netaim no Guedera.

Bategula baSimeon

²⁴ Miina mabaana bababaala baSimeon amama: Nemouel na Yamin na Yarib na Zera na Chaoul.

²⁵ Bategula baChaoul ababa: Challoum na Mibsam na Michema.

²⁶ BaMichema ababa: Hammouel na Zakour na Chimei.

²⁷ Chimei amabura yigumi na baana basiamunu bababaala na bagetu basiamunu. Baana bataji bandi basamabura baana bababaala bapuela; diwendi rie: mikuta miSimeon misamafuna nana mikuta miJuda mimafunina.

²⁸ Te na temu kaga David bategula baSimeon bamatsana mu misiengi miemimi: Bercheba na Molada na Hassar-Choual

²⁹ na Bila na Essem na Tolad

³⁰ na Betouel na Horma na Siclag

³¹ na Bet-Markabot na Hassar-Soussim na Bet-Biri na Chaaraim.

³² Va julu vana bamatsananga o misiengi miranu misusu: Etam na Ain na Rimmon na Token na Achan,

³³ na mimbu motsu amamabambana na misiengi mieni te o Baalat Amina la misiengi miogu na bukulu buogu.

³⁴ Miina mabasefu bamikuta miSimeon amama: Mechobab na Yamlek na Yocha agumaba muana dibaala uAmassia

³⁵ na Joel na Yehou muana dibaala uYochibia agumaba muana dibaala uSeraya na mutegula uAssiel

³⁶ na Eliohenai na Yakoba na Yechohaya na Assaya na Adiel na Yessimiel na Benaya

³⁷ na Ziza muana dibaala uChefei na mutegula uAllon agumaba mutegula uYedaya na Chimri na Chemaya.

³⁸ Mikuta miogu mimafuna tindi ufuna

³⁹ te na bamawendasana o yiari yiGuedor nesi te no yiari ayi wisi epalili yiyibususu uyenarombanga mbura tsilisilila migamba miogu.

⁴⁰ Bamarasuna mbura atsimaba na biriri binyelili na bulongu bumaba buneni na bumaba sui na buboti; abamaletsananga guna bamaba bategula baCham.

⁴¹ Basefu beni bamatola va temu Ezekias kaga jiJuda; bamapansa mandagu mamatsanda na milaku miogu na bamabokisa abamatsaninanga guna, bamabatsiemusa tindi utsiemusa te na namunyi. Bamavinga ya mbura tsiogu mu mbari vamaba mbura atsimaba na biriri binyelili ukelisila migambu miogu.

⁴² BaSimeon bamosi wandi bamawenda o mukongu uEdom; dutalu duogu dumaba kama yiranu tsibabaala. Basefu bogu ababa: Pelatia na Nearia na Refaya na Ouziel.

⁴³ Bamaboka baAmalec abamasialulu na amuna betsanini te na namunyi.