1 Misamu 3 - La Sainte Bible en Langue Yipunu

Bategula baDavid

¹ Amama la miina mabaana bababaala baDavid abamaburulu o Hebron: Ammon tsomi andi, muana uAhinoam muisi Jizreel; Daniel muana agumubeji, muana uAbigail muisi Karmel;

² Absalom muana agumurieru, muana uMaaka agumaba muana mugetu uTalmai kaga jiGuechour; Adonia muana agumuina, muana uHaguie;

³ Chefatia muana agumuranu, muana uAbital; Itream agumusiamunu, muana uEgla agumaba muana ukaga wandi.

⁴ Baanabeni basiamunu bamaburulu o Hebron agu amarumanga yisambuali yibilima na tsungi yisiamunu. Va julu vana amarumanga magumarieru na bilima birieru o Jerusalem,

⁵ agu amabura baana basusu. Na Batcheba muana mugetu uAmmiel amabura baana bana bababaala miina mogu amama: Chima na Chobab na Natan na Salomon.

⁶ Amabura yifu yibaana bababaala basusu miina mogu amama: Ibar na Elichoua na Elpelet

⁷ na Noga na Nefeg na Yafia

⁸ na Elichama na Eliada na Elifelet.

⁹ Va julu vana David amabura baana bababaala na maronda mandi; amabura muana mugetu diina diandi: Tamar.

¹⁰ Miina mabategula baSalomon aba muana andi Roboam amamuburila amama: Abia na Asa na Josaphat,

¹¹ na Joram na Ahazia na Joas

¹² na Amassia na Azaria na Yotam

¹³ na Ahaz na Ezekias na Manasse

¹⁴ na Amon na Josias.

¹⁵ Miina mabaana bababaala baJosias amama: Yohanan tsomi andi mbana Sedecias na Challoum.

¹⁶ Miina mabaana bababaala baJoaquim amama: Yekonia naSedecias.

¹⁷ Miina mabaana bababaala baYekonia agumabegu koli o Babylone amama: Chealtiel

¹⁸ na Malkiram na Redaya na Chenassar na Yecamia na Hochama na Nedabia.

¹⁹ Miina mabaana bababaala baPedaya amama: Zorobabel na Chimei. Zorobabel akabura baana bababaala babeji miina mogu amama: Mechoullam na Hanania na muana mugetu diina diandi: Chelomit

²⁰ mbana baana bababaala baranu, miina mogu amama: Hachouba na Ohel na Berekia na Hassadia na Youchab-Hessed.

²¹ Miina mabategula baHanania amama: Pelatia na Yechaya na Obadia na Chekania abamaba baana bababaala baRefaya muisi Aman.

²² Chekania amabura baana bababaala basiamunu, miina mogu amama: Chemaya na Hattouch na Igal na Baria na Nearia na Chafat.

²³ Nearia amabura baana bababaala barieru, miina mogu amama: Eliohenai na Hizquia na Azricam.

²⁴ Eliohenai amabura yisambuali yibaana bababaala, miina mogu amama: Hodavia na Eliachib na Pelaya na Accoub na Yohanan na Delaya na Anani.