1 Misamu 2 - La Sainte Bible en Langue Yipunu

Bateguia baJuda muana dibaala uJacob

¹ Amama la miina mabaana bababaala baJacob agumanengulungu Israel wandi: Ruben na Simeon na Levi na Juda na Issakar na Zabulon

² na Dan na Joseph na Benjamin na Neftali na Gad na Asser.

³ Miina mabaana bababaala baJuda amama: Er na Ona na Chela; amabura baana beni barieru na muana mugetu uChoua muisi Canaan. Er tsomi andi amaba mutu mubi va gusu Fumu agumamubokisa.

⁴ Va julu vana Juda amabura na Tamar boji buandi baana bababaala babeji miina mogu amama: Peres na Zera. Baana baJuda botsu bababaala bamaba baranu.

⁵ Miina mabaana bababaala baPeres amama: Hesron na Hamoul.

⁶ Miina mabaana bababaala baZera amama: Zimri na Etan na Heman na Kalkol na Dara, amabura baana baranu.

⁷ Diina dimuana dibaala uKarmi adidi: Akar. Jandi agumarombisa Israel maguga ava amakelisa bima abimavegu na migeli.

⁸ Diina dimuana dibaala uEtan adidi: Azaria.

⁹ Miina mabaana bababaala baHesron amama: Yerameel na Ram na Caleb agumanengulungu Keloubai wandi.

¹⁰ Ram akabura Amminadab na Amminadab akabura Nachon agumaba sefu jiJuda;

¹¹ Nachon akabura Salma na Salma akabura Booz.

¹² Booz akabura Obed na Obed akabura Jesse.

¹³ Jesse amabura yisambuali yibaana bababaala; miina mogu amama: Eliab la tsomi andi mbana Abinadab na Chamma

¹⁴ na Netaneel na Raddai

¹⁵ na Ossem na David;

¹⁶ miina mabibusi biogu amama: Serouia na Abigal. Miina mabaana bababaala baSerouia amama: Abichai na Joab na Assael, diwendi rie: barieru.

¹⁷ Abigal amabura muana umosi diina diandi Amassa, diina ditaji andi Yeter muisi Ismael.

¹⁸ Caleb muana dibaala uHesron akabura baana bana bababaala na mugatsi andi Azouba: muana mugetu diina diandi Yeriot, miina mabaana bababaala barieru amama: Yecher na Chobab na Ardon.

¹⁹ Azouba anofu Caleb amabialila Efrata agumamubura muana dibaala umosi diina diandi: Hour.

²⁰ Hour akabura Ouri na Ouri akabura Bessalel.

²¹ Ava amabila na magumasiamunu mabilima Hesron amabonga muana mugetu uMakir agumaba taji Galaad; jandi amamubura muana dibaala umosi diina diandi: Sagoub.

²² Segoub akabura Yair agumadila magumabeji na misiengi mirieru o bulongu buGalaad.

²³ Tumba kaga jiGuechour na jiAram bamamupatula misiengi miYair va mosi na Quenat na misiengi amimarumu na uonyi, diwendi rie: magumasiamunu mamisiengi. Botsu abamatsananga mu misiengi mieni bamaba baana baMakir taji Galaad.

²⁴ Hesron anofu amasila mukuili diina diandi Abia na Caleb amamuebonga Efrata agumamubura muana dibaala diina diandi: Achehour agumarunga Tecoa.

²⁵ Miina mabaana bababaala baYerameel agumaba tsomi jiHesron amama: Ram tsomi andi mbana Bouna na Oren na Ossem na Ahia.

²⁶ Yerameel amawela mugetu ususu diina diandi Atara; jandi amabura Onam.

²⁷ Miina mabaana bababaala baRam tsomi jiYerameel amama: Maas na Yamin na Equer.

²⁸ Miina mabaana bababaala ba Onam amama: Chammai na Yada. Miina mabaana bababaala baChammai amama: Nadab na Abichour.

²⁹ Abichour amawela mugetu diina diandi: Abihail, jandi amabura Aban na Molid.

³⁰ Miina mabaana bababaala baNadab amama: Seled na Appaim. Seled amafu tsiri ubura baana.

³¹ Diina dimuana dibaala uAppaim adidi: Ichei; Ichei akabura Chechan na Chechan akabura Alai.

³² Yada agumaba muana nguji uChammai akabura Yeter na Yonatan. Yeter amafu tsiri ubura baana.

³³ Miina mabaana bababaala baYonatan amama: Pelet na Zaza. Abana la bategula baYerameel.

³⁴ Chechan asamabura baana bababaala yika baana babagetu. Jandi amaba na muviga agumaba muisi Egypte diina diandi Yara,

³⁵ agu amawetsa muana andi umugetu umosi agumabura muana dibaala diina diandi: Attai.

³⁶ Attai akabura Natan na Natan akabura Zabad,

³⁷ Zabad akabura Eflal na Eflal akabura Obed,

³⁸ Obed akabura Yehou na Yehou akabura Azaria

³⁹ Azaria akabura Heles na Heles akabura Elassa

⁴⁰ Elassa akabura Sismai na Sismai akabura Challoum

⁴¹ Challoum akabura Yecamia na Yecamia akabura Elichama.

⁴² Miina mabaana bababaala baCaleb muana nguji uYerameel amama: Mecha tsomi andi agumaba taji Zif na Marecha agumaba taji Hebron.

⁴³ Miina mabaana bababaala maHebron amama: Cora na Tappoua na Requem na Chema.

⁴⁴ Chema akabura Raham na Raham akabura Yorcoam. Requem akabura Chammai

⁴⁵ Chammai akabura Maon na Maon akabura Bet-Sour.

⁴⁶ Caleb amabonga dironda diina diandi: Efa agumabura Haran na Mossa na Gazez. Haran akabura muana dibaala umosi diina diandi: Gazez.

⁴⁷ Miina mabaana bababaala baYadai amama: Reguem na Yotam na Guechan na Pelet na Efa na Chaaf.

⁴⁸ Caleb amabonga dironda disusu diina diandi: Maaka agumabura Cheber na Tirana.

⁴⁹ Va julu vana amabura Chaaf agumaba taji Madmanna na Cheva agumaba taji Makbena na Guibea. Caleb amabura muana mugetu umosi diina diandi: Axa.

⁵⁰ Ababa la bategula basusu baCaleb: Hour agumaba tsomi andi amabura baana bababaala barieru na Efrata. Hour akabura Chobal agumarungisa Quiriat-Yearim,

⁵¹ Salma agumarungisa Bethleem na Heref agumarungisa Bet-Gueder.

⁵² Chobal agumarungisa Quiriat-Yearim amaba na bategula ababa: baHaroe na bamosi va gari baMenouhot,

⁵³ na mikuta miQuiriat-Yearim amimi: baItrie na baPoutie na baChoumatie na baMicherai abamatsanga o Sora no Echetaol.

⁵⁴ Miina mabategula baSalma amama: bisi Bethleem na baNetofa na baAtrot-Bet-Yoab na bamosi va gari baManahat na bisi Sora,

⁵⁵ va mosi na basonitsi abamatsananga o Yabes miina mogu amama: baTiratie na baChimatie na baSoukatie; botsu bana bamaba baQuenie bategula baHammat abamaba bategula baRekab.