1 Jean 1 - La Sainte Bible en Langue Yipunu

Mambu mamonyu

¹ Diambu dimaba va dibandu, tumadigulu na tumadilaba na misu metu; tumadigengila na tumadibemba na makaka metu; adina tuivosi. Dionyi dimaba Mambu mamonyu.

² Tumalaba monyu eni ava umalabinina na tumagusingisila bumbeji la dibandu tuidulonsili uonyi. Tuidusamunini monyu umutubu agumaleba ombu Tata na agu amatulasa.

³ Adi jetu tumalaba nogulu adina tuidutsinguli yiri jetu nenu tuba na dinonga. Kabogu dinonga dietu divu ria Tata na Muana andi Jesus Christ

⁴ Tuisoni mambu memama yiri nsangu etu jiudugunu.

Nsambi la yijalala

⁵ Musamu agu tumagulu nandi aguna tuidutsinguli rie: Nsambi la yijalala na pisama jigaa nandi.

⁶ Pa tuivosi yiri tuna dinonga nandi na tuiwendingi o tsi pisama, tuifuri na ngensa jigaa netu.

⁷ Tumba pa yijalala yivu netu nana yivu na Nsambi jaʼ beni tuna dinonga jetu nandi na malungu maJesus Muana andi metuliomisingi masumu motsu.

⁸ Pa tuivosi yiri tugaa na mabi tuikedunsa na ngensa jigaa netu.

⁹ Pa tuitubulili Nsambi mabi metu jandi aji usigama na usungama na otutanda mabi metu notuliomisa tindi uliomisa.

¹⁰ Pa tuivosi yiri tugaa na masumu kabogu tuimulabi nderi aji mufuntsi na mambu mandi magaa netu.