1 Corinthiens 8 - La Sainte Bible en Langue Yipunu

Bivu mu diambu dibiguji abimavagulu ombu bakosi

¹ Mbana nyuwagula mu diambu dinyama atsimavagulu ombu bakosi. Divu dingensa yiri durungula ukematisa novosa rie: Tumadiwiji kala. Tsia durondu duiviolili dujabu?

² Pa mutu etasi ejabi diambu ajabi yiri asakatsiyisa motsu.

³ Oyirondi Nsambi ajabunu nandi.

⁴ Kabogu mu diambu diuji nyama atsimavagulu ombu bakosi tuijabi yiri bakosi bagaa na tsongu, yika Nsambi mosi buandi avu.

⁵ Ne pa vavu aba batu benengili nsambi, nesi fumu

⁶ jetu tuijabi yika Nsambi mosi buandi la Tata omasunda bima biotsu na jetu botsu tuji abandi. Na tuijabi wandi vavu Fumu mosi buandi la Jesus Christ omasunda bima biotsu na jetu tuji abandi.

⁷ Tumba botsu bagejabi diambu diedidi. Batu bamosi bamaguku na bakosi te na namunyi pa beji biguji abimavagulu berangimini yika bakosi; bakivu badeda kabogu betasi yiri biguji bieni bimababivisa.

⁸ Biguji bigetubambisini na Nsambi; abeji na abageji baji dedi.

⁹ Kebananu yiri dugodetsa abadeda na biguji abi duiji.

¹⁰ Ndeʼ agumajaba nana bakosi bavu, pa mutu udeda ogulaba o ndagu bakosi uji guiji biguji bibakosi jandi agoguduka nobiji wandi?

¹¹ Kabogu aguvu adeda agu Christ amafuila obungana mu diambu diagu.

¹² Ava duivayili baana bataji mabi na ava duibatsirisili mirima duivayi Christ dibi.

¹³ La dibandu pa diambu dibiguji ditsirisi murima muana taji ami ngomueji banyama yiri ngomudetsa.