1 Corinthiens 5 - La Sainte Bible en Langue Yipunu

Buvuyisa va gari bisi dibundu

¹ Tuigulu bevosi rie: Va gari enu vavu munongu buvuyisa abusakalabana nesi ombu abageduki Nsambi; diwendi rie: umosi amakotisa mugatsi taji andi.

² Dugaa na yisonyi? Digaa diwelimina, jandi omavaga dibi dieni agusulu va gari enu!

³ Diuleba nyisamaba nenu tumba na murima ami na mu diina diFumu nyimamuvega mbela nderi nyimaba vana.

⁴ Ava dubengunina jabanu yiri nyufubana murima ami nenu na mangolu maFumu Jesus moba netu.

⁵ Kabogu dukawakisa mutu eni ombu Satan yiri nsala tsidunyuru tsiubungu ne nana tanguji yinyunyi yiandi yigobungu ava yilumbu yiFumu.

⁶ Ngensa dugelabi yisonyi? Dugejabi yiri mua pesu dufunusu duimatisi dipa diotsu?

⁷ Nana divu dipa diboti adigaa na dufunusu, diwendi rie: divu dituka dimunongu ususu. Munongu mosi jenu tsiemusanu mambu magulu amavu nderi dufunusu noba na magona. Mulambu uPaque umavi mu mbari Christ ojivu yindombu amaboku.

⁸ Kabogu tujianu feta tsiri na mapa madufunusu tumba na amagaa na dufunusu, diwendi rie: tuyamuevaga masumu nesi buvuyisa. Tubianu tulioma na tudukianu ngensa.

⁹ Nyimadusonina rie: Duyaba na dinonga na bivuyisa.

¹⁰ Adi nyimadusonina digebembi abageduki Nsambi, diwendi rie: bivuyisa na bango nyinga na bikongu na basambilitsi babakosi. Pa dubusa ubambana nogu agu duwenda?

¹¹ Tumba adi nyimadusonina adidi rie: Busa dinonga na mutu oyikenengila muana taji na akivu yivuyisa vo mungo nyinga vo musambilitsi ubakosi vo mungo lanyi vo mulangitsi vo yikongu. Duyaji ne uji va mosi na mutu umunongu eni.

¹² Tsiri diambu diami utabulila abagaa mu dibundu bunsonsi.

¹³ Nsambi obatabulila bunsonsi. Tumba jenu bisi dibundu digaa diwelimina yiri duvegasana mbela? Nana Bisonu bisonugulu rie: Gusulanu mutu mubi va gari enu.