Jeremia 2 - Biblia Pume

Icharaita judiro̧ jiadarëreji̧ri̧diro̧jo̧ȩ ui goae tjamo̧mi̧ damȩ pio ju̧i̧

¹¹ Ja̧di ta̧rëri̧ yo̧mȩrȩ ni̧bärëremȩde Jeova judi icharaita pio ji̧ri̧ chjiari. “Aja̧, mai̧ dari̧ japarëreji̧ri̧dirȩ icharaita judiro̧. Pio coaiäpȩmo̧ ma quëna̧tärea̧ ji̧, ado cja̧rȩmo̧ ütë oa ano̧ mire quëna̧ji̧ri̧pea̧diro̧jo̧ȩ, teracaba ütë pio ju̧i̧iäpȩmo̧. Jabo ja̧di dari̧ japadë madirȩ ado cja̧rȩmo̧ ma̧ȩ oa ni̧bäji̧ri̧ judiro̧, cjäri̧ madirȩ. Ja̧di dari̧ japadë madirȩ ado cja̧rȩmo̧ chiriräpȩ cjo̧ro̧ji̧ri̧ pio judiro̧. Jabechji̧ judiro̧ quëna̧rërea̧ ütë pio ju̧i̧iäpȩmo̧ ji̧dë ma chjuari̧ quëna̧diro̧jo̧ȩ, ado cja̧rȩmo̧ ütë pio ju̧i̧iäpȩmo̧ ano̧ mire quëna̧pe bagarea̧ decjiari̧. Jabo icharaita judiro̧, cjäri̧ madiro̧coe, ja̧di dari̧ japadëa̧diro̧coe. Pio jibë ji̧dë ma a̧domȩ Ütë pio ju̧i̧ jiadaji̧ri̧pea̧diro̧coe ano̧mi̧re quëna̧pe bagari̧. Tjamo̧ davä. Cüdë pio ji̧ri̧ ana̧ri̧ a̧doa̧räbo, oëra̧ti̧ oa cjo̧ro̧ji̧ri̧ pumȩ judiro̧ pio ji̧ri̧iäpȩmo̧ ba chia jo̧rȩta tänȩa̧räbo, ji̧dë ma chjadëri̧ jape chjaoa̧räbo, jabechji̧ jiadaji̧ri̧pea̧diro̧coe.

¹² Ado pio ju̧i̧iä jabechji̧, uapai̧ da tjamo̧ri̧ jö̧nö̧jö̧nö̧ai̧ cjiari̧ cjia tänȩpareconȩ davä, a̧dë i pio ju̧i̧” yo̧de Jeova judi. “Ado danȩrȩ, a̧dë i pio judi jo̧rȩtarea̧ chiarä judi, a̧dë i pio judi tjamo̧ri̧ jo̧rȩtarea̧ chiarä judi, dëdë, dacho bëremi̧ cjiari̧ jo̧rȩtatäremȩde. Aja̧, ya yabë cjiami̧ dari̧ jo̧rȩtatäremȩde. ¿Tjana̧ ju̧i̧iä ja̧di dari̧ jo̧rȩtatäremȩde? Tjana̧ ju̧i̧iädë,

¹³ jabechji̧ ca̧ pumȩ judiro̧ yo̧a̧ri̧ chjai̧dë oa japea̧ oaiä ja̧di dari̧ jo̧rȩtatäremȩde. Danȩrȩ, pio coa jiada̧diro̧coe ca̧ pumȩ judiro̧. Pio coa putu jura̧ a̧dë chami̧ dari̧ japaji̧ri̧pea̧diro̧coe. A̧dë chjäte goaeri̧ cjiamȩ uimi̧ damȩ pio ju̧i̧, goae tarari̧ ca̧mȩ uimi̧ damȩ pio ju̧i̧ jiada̧diro̧coe. Ado ju̧i̧ uëri jibëa̧ tade puëmi̧ da oa, teracaba oa jäea̧mi̧ dari̧ japaji̧ri̧pea̧diro̧jo̧ȩ. Jabechji̧ jibë a̧dodëmȩ uimi̧ da oa, jibë ju chiaparȩrea̧ chiadëmȩ uimi̧ da oa ano̧ mire jarami̧ dari̧ japaji̧ri̧pea̧diro̧coe, pio coaiämo̧i̧ jarami̧ dari̧ cjo̧ro̧tärea̧ ji̧. Ado pio ju̧i̧iä yo̧requede.” Aja̧, ja̧di ta̧rëri̧ yo̧mȩrȩrëremȩde Jeova judi Icharai pio judiri ja̧ji̧ri̧ pio ji̧ri̧ chjiari.