Go̧a̧rea̧ 22 - Biblia Pume

Pio yoa ma̧ȩ üdë, Go̧dü Tänȩmȩ judi toro gitori̧ jo̧rȩtapea̧ pio ju̧i̧ chjiari jabërä go̧ȩpea̧ oa cjiarëremȩde

⁶ Go̧dü Tänȩmȩ judi yo̧bëmi̧ go̧ȩparëremȩde Davi judi jabërä. Ja̧di ta̧rëri̧ go̧ȩparëremȩde: A̧dë chjäte gitoi̧ dari̧ tararequede cüdë. Pumȩmi̧ dadëpea̧requede. Ji̧dë ma ya̧e chjaodiro̧coe. Idëri̧ cjia tänȩdiro̧coe. Ma̧ cjüëtüri̧ jo̧rȩtaji̧ri̧rȩ badë dae chjaodiro̧coe pö̧rö̧mi̧ da oa, badëmi̧ da oa.

⁷ Pio coa darä, airi̧ cjia airi̧ cjia ya̧e cjiadiro̧coe. Ya coëri̧ ni̧bädiro̧coe. 'Jabomo̧ japëtaramȩdida' quëna̧ jo̧rȩtaji̧ri̧rȩ pacho cürëji̧ri̧rȩ da madiro̧coe.

⁸ “Aja̧, pio yodëje quëna̧tadejȩ Jeova ju̧i̧, jabo cjäri̧ madejȩ, chjätärea̧ yürüdëdejȩ” yo̧dirȩ pio coa chjiari. “Aja̧, Jeova judi mȩa ea tjamo̧rä judi, ¿tjana̧ ju̧i̧iä a̧dodëdimȩ?” yo̧ji̧ri̧rȩ ya̧e chjaodiro̧coe.

¹⁶ Pio jiro pumȩ chjai̧dë pio judiro̧ aure chjuaji̧ri̧mi̧ dari̧ acji jana̧diro̧coe, pio coa tjoro tänȩji̧ri̧rȩ. Ado ca̧ ta oa a̧dë chjäte gitoi̧ dari̧ japadiro̧coe, ca̧ ichibo.

¹⁷ Ado goëdëri̧ cjia tjamo̧ji̧ri̧rȩ cjoai̧tä cjoai̧tä dae chjaodiro̧coe. Ca̧ ju üdë dairä cjiami̧ dari̧ cjiamȩ oa cjoai̧tä coai̧tä dadiro̧coe. Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë Godü tänȩmȩ pio judi yo̧bëmi̧.