Devitico Ma̧ȩ 1 - Biblia Pume

Pumȩ judiro̧ cäë yürüpea̧ pio ju̧i̧ chjiari ma̧ȩ yürürëremȩde Ütë tjamo̧ judi

¹ Ado Jeova judi dëbëdiärea̧ jo̧ tjori pio judiri ëna̧diärëremȩdejȩ Moiche ju̧i̧. Ado ja̧di ta̧rëri̧ yo̧mȩrȩ yo̧rëremȩdejȩ:

² "Danȩ, ja̧di ta̧rëri̧ yo̧tä earequedemȩ icharaita pio ji̧ri̧iäpȩmo̧. 'Danȩrȩ, mȩnȩro̧ Jeova pio ju̧i̧iäpȩmo̧ eami̧ oa yürürä judi, mȩnȩro̧ pio coaiäpȩmo̧ eami̧ oa yürürä judi, jabechji̧ dibëa̧ pio ju̧i̧iä mitë ëte yürürä judi, jabechji̧ chjadëde. Tjamo̧ davä. Mȩnȩro̧ dibëa̧ baca oa yürürä judi, dibëa̧ oveja oa yürürä judi, dibëa̧ chjivo oa yürürä judi, dibëa̧ pua oa yürürä judi, dibëa̧ pio ju̧i̧iä mitë ëte yürürä judi, jabechji̧ chjadëde.

³ Ado mȩnȩro̧ oëra̧ yürüchea oa ja̧di ta̧rëri̧ yo̧requededibe. ‘Danȩrȩ, mȩnȩro̧ dibëa̧ baca pio ju̧i̧ cäë yürüpea̧ oa yürürä judi, jabechji̧ baca üi̧ chjadë oa yürütäreji̧ri̧nȩrȩ co chja oa. Aja̧, dëbëdiärea̧ jo̧ yu̧a̧rea̧ yaräpȩ ju̧ri̧ yürütäreji̧ri̧nȩrȩ Jeova pio ju̧i̧ ja̧ dachoro. Ado mȩnȩro̧ ja̧di dari̧ yürüa̧ oaiä, 'Aja̧, pio jiro pumȩ üdë jabechji̧dida' quëna̧ jo̧rȩtamȩrȩ dapadidibe Jeova judi, pio dibë cjäri̧ri̧ cjia damȩrȩ.

⁴ Jabechji̧ baca yürümȩ judi jibëa̧ ichi oa baca ja̧ tjübërä ida̧ oaiä, jabechji̧ pio ju̧i̧ chjiari ano̧ mire ja̧bopade. Ado pumȩ judi chjai̧dëri̧ japea̧ üdë, jabechji cjae ina̧ oa cjiami̧ dari̧ cjiapade duridëparȩa̧ oa cjiami̧ dari̧.

⁵ Pio ju̧i̧iä ja̧bo tänȩpea̧de baca üdë. Ütë tjamo̧ ja̧ dachoro ja̧bo tänȩpea̧de. Baca üi̧ yürümȩ pio judi coana̧rea̧ra̧ pio ju̧ri̧ra̧ guapadejȩ gürüro. Ado ja̧dëa ji̧ Aro̧ ja̧ u̧ri̧ judiro̧, o ji̧ri̧ chjiari goë tuti ja̧bepaji̧ri̧ pio judiro̧ goe pio ju̧i̧ mitëpadiro̧jo̧ȩ tachjarä. Ado jibëa̧ ichira̧ pio ju̧ri̧ra̧ pjo̧dechäpadiro̧jo̧ȩ gu̧na̧rea̧ mechja chiri nö̧ta oa, dëbëdiärea̧ jo̧ dëbëräpȩ cjiamȩ gu̧na̧rea̧ mechja pio ju̧i̧.’ Aja̧ Moiche, ja̧di ta̧rëri̧ yo̧tä earequedemȩ icharaita pio ji̧ri̧iäpȩmo̧” yo̧mȩrȩ yo̧rëremȩdejȩ Moiche ju̧i̧ Jeova judi.