Psalmyn 70 - Lioar ny Psalmyn 1765 (Pointed)

PSAL. 70. Deus in adjutorium.

¹ Jean siyr, O Yee, dy my livrey: jean siyr dy chooney lhiam, O Hiarn.

² Lhig dauesyn v’er nyn goyrt gys nearey, as er nyn gastey cooidjagh, ta shirrey lurg m’annym dy stroie eh: lhig daue v’er nyn imman gour nyn drommey dy-scammyltagh, ta wooishal olk dou.

³ Lhig daue son y leagh oc ve dy-leah er nyn goyrt lhieu gys nearey: ta geamagh harrym, Shen, shen.

⁴ Agh lhig dauesyn ooilley ta dy dty hirrey, ve gennal as boggoil ayn-yds: as lhig dauesyn ta graihagh er dty haualtys, dy-kinjagh gra, Dy row moylley gys y Chiarn.

⁵ Er my hon’s, ta mee boght as ayns treihys: jean siyr hym, O Yee.

⁶ Uss my Er-coonee as my Er-kionnee: ny lhig shiaghey foddey, O Hiarn.