Psalmyn 2 - Lioar ny Psalmyn 1765 (Pointed)

PSAL. 2. Quare fremuerunt gentes?

¹ Cre’n-fa ta ny ashoonyn cha eulyssagh (sonnaasagh) girree-magh lesh-y-chielley: as cre hon ta’n sleih goaill red ommijagh ayns nyn ghione.

² Ta reeaghyn y thallooin troggal seose, as ta ny fir-reill goaill coyrle cooidjagh: noi’n Chiarn, as noi’n Fer-ooilit echey.

³ Lhig dooin brishey ny kainlaghyn oc veih my-chielley: as y whing oc y cheau ersooyl j'in.

⁴ Eshyn ta vaghey ayns niau gharys orroo lesh craid: bee ad ec y Chiarn ayns faghid.

⁵ Eisht nee eh loayrt roo ayns e chorree: as ver eh sneih orroo ayns trimmid e yymmoose.

⁶ Agh ta mish er hoiaghey seose my Ree: er Sion my chronk casherick.

⁷ Nee’ms y leigh y phreacheil, my-y-chione ta’n Chiarn er ghra rhym: Uss my Vac, jiu yn laa ta mee er dty gheddyn.

⁸ Shirr orrym, as ver-ym dhyt ny ashoonyn son dty eiraght: as ny ayrnyn sodjey magh jeh’n theihll fo dty rere.

⁹ Nee uss ad y vroo lesh lorg-reill dy yiarn: as brishey ad ayns peeshyn myr saagh craie.

¹⁰ Gow-jee keeal nish er-y-fa shen, O shiuish reeaghyn: gow-jee raaue, shiuish ta briwnyn y thallooin.

¹¹ Shirveish-jee yn Chiarn lesh aggle: as gow-jee boggey ayn lesh arrym.

¹² Cur-jee ooashley da’n Mac, nagh bee eh jymmoosagh, as myr shen shiu dy herraghtyn veih’n raad cair: my vees e chorree er ny vrasnaghey, (agh ny veggan;) bannit t’adsyn ooilley ta coyrt nyn dreishteil aynsyn.