Psalmyn 123 - Lioar ny Psalmyn 1765 (Pointed)PSAL. 123. Ad te levavi oculos. 1 Hoods ta mee troggal seose my hooillyn: O uss ta cummal ayns ny niaughyn. 2 Cur-my-ner, myr ta sooillyn ny fir-vooinjerey jeeaghyn gys laue nyn mainshtyr, as myr ta sooillyn yn inney-veyl gys laue e ben-’ainshtyr: dy-jarroo myr shen ta ny sooillyn ainyn farkiaght er y Chiarn nyn Yee, derrey nee eh myghin orrin. 3 Jean myghin orrin, O Hiarn, jean myghin orrin: son cha vel veg eddyr dy hoiaghey j'in. 4 Ta nyn annym lhieent lesh oltooan craidoilagh ny berchee: as lesh goanlys ny mooaralee. |
maintained by the British and Foreign Bible Society
British & Foreign Bible Society