Psalmyn 16 - Psalmyn Ghavid 1761 (Metrical)

PSALM XVI.

⁹ Yn Chiarn ta mee er hoiagh roym, Dy ve kiongoyrt rish m’oaïe, Lesh pooar e laue nee eh m’y reayll, Nagh jean-ym tuittym veih.

¹⁰ Er shen my chree ren gennal gaase, My ghloyr ren boggey ’ghoaill; My eill ghoys fea ayns slane treishteil Jeh irree-reesht gerjoil.

¹¹ Cre’n-oyr? cha jean uss lhiggey dooys, Ayns stayd ny merriu lhie; Ny surranse da dt’er-cash'rick cheet Gys loauid ayns yn oaie.

¹² Jeeaghee oo dooys yn raad gloyroil Nee m’y leeideil gys bea; Ayns dt’enish ta slane gerjagh lhie, As maynrys son dy bra.