Panthaantsi 89 - Ashéninka Perené

Irasi iwairo picharini impinkatharitaji Isankinai-takiro ipanthaa-wintai-tziro ikasiya-kaakiriri Pawa pinkathari David

¹ Ari nasi nowajiro nompanthai, nompanthaa-wintajiro inisironka-taana Pawa. Panthaa-waanti nonkanta-winta-jyaami, nonkantajiri inkarati incharini-tajyaari: “Ti yookantaniti Pawa.”

² Nonkantaji aajatzi: “Pasi piwatziiro pitakotanta. Ti pimpasini-taniti, pikimitakaro inkiti asi owiro tsika okanta iroori.”

³ Ikantzi Pawa: “Tzimatsi nokasiyakairiri ikaratzi noyosii-tajiri naaka. Nokanta-piro-tajiri nompiratani David, nokantziri:

⁴ ‘Airo nookanajiri inkarati pincharini-tajyaari, Naaka kantakai-yaaroni irasi iwiro impinkathari-wintantaji.’ ” (Pishowiri-jiiti, pimpiyompi-jiiti kapichiini.)

⁵ ¡Pawá! Oshiki ikimo-siri-wintakiro inkiti-satzi okaratzi pitasonka-wintantzi. Oshiki ikinkitha-takotakimi kitisiririiti pasi piwiro awiroka ti pookantaniti.

⁶ ¿Tzimatsima inkiti-satzi monkara-tyaarini Pawa? ¿Tzimatsima siyaarini Pawa? Tima yanairi iriipirori jinoki-satzi.’

⁷ Tima yapatojiityaa tasorintsi-payi ipinkatha-tziri Pawa. Omapiro yiriipirotzi irirori yanaanakiri ikaratzi piyowintariri.

⁸ ¡Pawá Ñaapirorí! ¿Tzimatsima kimityaamini awiroka? Sintsi-pirori pinatzii. Pasi piwatziiro piriipiro-wintantzi.

⁹ Otzimimo-tzimi awiroka pisintsinka pimairyan-tarori otamakaani inkaari. Pimatzitaro aajatzi osinkyaa-takaani tampyaa.

¹⁰ Piitsinampaakiri Tharowintaa-rini, pikimita-kaantakari kaminkari. Sintsi-shimpa pikantaka, pimisiyakiri pimaimanitani.

¹¹ Tima awiroka asitaro maaroni inkiti aajatzi kipatsi. Awiroka owitsikakiro kipatsi, aajatzi maaroni tzimatsiri.

¹² Awiroka owitsikakiro okaratzi tzimatsiri tsika okatonkotzi aajatzi tsika okirinkatzi. Kimiwaitaka ompanthaa-tyiimi otzisi Piyopathaitoni aajatzi Pinkaitoni, opairyiiro piwairo.

¹³ Tima sintsi-shimpa pikantaka, aajatzi okimitaka pako. Tima oshiki oitsinampaantaki pakopiro.

¹⁴ Kamiitha-siri pikanta pipinkathari-wintantzi, tampatsika-siri pinatzii. Oshiki pitakotanta, osiyawaitaro iroomi jiwata-piinta-jimini piriipirotani.

¹⁵ ¡Pawá! Tima kimosiri ikanta atziri tharowinta-chari ipanthaa-wintzimi, Osiyawai-takaro yaniitajimi tsika pikoñiin-katako-tairi awiroka.

¹⁶ Ari yasi iwairo ikimo-siritzi ipairyiiro piwairo. Tharowinta iwajimi, tima awiroka tampatzika-siriri.

¹⁷ Omapiro, tsika pikanta awiroka, ari okanta pisintsinka, aajatzi piwaniinkaro. Tima apatziro pikanta-kaaro awiroka, aririka pininti, pimatziro pisintsita-kayina.

¹⁸ Ikimitaro Pawa iriimi tzikaako-mintotsi. Iriitaki Itasorintsiti Israel, Awinkathariti.

¹⁹ Pairani pikinkitha-waita-kaakiri piitisiririti, ikimakimi isiriki. Pikantziri: “Nonisironka-takari ñaapirori. Nopinkathari-takaakiri ikaratzi noyosii-takiri nasitari naaka.”

²⁰ Noñaakiri nompiratani David. Nosai-patzii-totan-takari notasorintsijaati.

²¹ Nasi nowiro notapi-wako-tanta-jyaari nako. Sintsi-shimpa onkanta-kaiyaari noshimpa.

²² Airo imatziri yitsinampairi ikaratzi maimani-tziriri. Ari inkimita-jyaari kaari-pirori, airo yiitsinampairi.

²³ Naaka apirotirini inkarati owayiri-tyaarini. Nonthonkajiri inkarati kisaniintirini.

²⁴ Tima kisokiro nonkantajyaa nonisironka-tajiri, Okantakaaro ipairyaa-piintajiro nowairo ontzimi-motan-tajyaariri isintsinka.

²⁵ Ari nonkanta-kaakyaaro impinkathari-wintantaji isaiki inkaariki. Imatiro aajatzi impinkathariti isaiki nijaaki-payi.

²⁶ Ari inkantai-tajina: “¡Pawá! Awiroka asitanari, Awiroka Nowawani, pisiyaro mapi nopitakaminto omatantari nawisakotaji.”

²⁷ Nonkimi-takaan-tajiri naaka nantariti notomi. Iriitaki anairini inkarati pinkatha-wintaironi kipatsi.

²⁸ Irasi iwiro nonisironka-tajiri irirori. Airo ampinaasita okaratzi nokasiya-kaakiriri.

²⁹ Tima irasi iwiro impinkathari-yitaji inkarati incharini-tajyaari. Ari inkanta-jitatyiiro ainiro iñiitziri ooryaatsiri inkitiki.

³⁰ Aririka iwashaantakiro itomi noñaani, Airorika ijatakairo inthotyiiro noyomitaa-kiriri,

³¹ Aririka impiyatha-takyaaro nowinka-kaantani, Airorika ikimisantziro nokanta-kaantani,

³² Ari nowasankitaakiri ipiyatha-takana, Nompasa-wintajiri ikaaripirotaki.

³³ Airotzimaita nowashaantziro nontako-tajyaari. Noisokiro nowajiri, nasi nowiro nontsipa-tajyaari.

³⁴ Airo nomaisantziro okaratzi nokasiya-kaakiriri. Airo noshiki nonkantiri okaratzi nokaman-takiriri.

³⁵ Tima Naaka Tasorintsi kasiyakaa-kiriri, Airo namatawi-tziri David, nokantakiriri:

³⁶ “Irasi iwiro picharini impinkatharitaji pinampiki, Ari inkanta-jitatyiiro impinkatharitaji ainiro iñiitziri ooryaatsiri aajatzi kasiri.

³⁷ Ari inkantai-tatyiiro isaiki, isiyaari kasiri, Irasi iwiro isaiki inkitiki. (Pishowiri-jiiti, pimpiyompi-jiiti kapichiini.)