Panthaantsi 51 - Ashéninka Perené

¡Pawa! ¡Poitisiritaina! Isankinari David, tima ikaratakiro Kamantan-tzinkari Natán ikisatha-tziri imayimpi-takiro Betsabé

¹ ¡Pawá! Awiroka nisironka-taniri, pinkaminthaajina. Kaminthaan-taniri pinatzii, pimpyaako-tajinaro nokinakaasitani.

² Piwashaanta-kainaro nantakiro kaari kamiitha-tatsiri. Pinkimi-takairo pishita-jinaromi nokaaripirotaki.

³ Noyotzi oshiki nopiyatha-waitakami. Ti onkanti nomaisantiro nokaaripirotaki.

⁴ Apatziro nokaaripiro-tzimo-takimi awiroka. Nantasi-takaro okaratzi pipinka-kaanari. Tima onkarati pinkantajiri awiroka, tampatzika onkantyaa, Kitisiriri pinatzii awiroka pimatan-tarori pikisawintanta.

⁵ Kaari-pirori nokantaka, nasi nowiro owakira notzimaki. Tima omotyaa-takina asitanari tsika yantayi-taitziro kaari kamiithatatsini.

⁶ Pinisironkatari awiroka kaari amatawi-tanta-tsini kapichiini. Pikanta-kaakaro awiroka noyotani-siri-tajyaa.

⁷ Pinkimi-takajyaana pinkaatan-tajyaa-naromi kaasi-rontsi, airo noipatsi-siri-waitanta. Pisiyakairo pinkiwa-jinaromi nañaa-minto, kitii onkantajyaa osiyaaro sharaka.

⁸ Pinkanta-kaiyaaro nonkimajiro tsika inkimo-siri-taiti, aajatzi tsika intharowintaityaa. Piwiriinta-poroki-tajina piwatsi-naawai-takina.

⁹ Pinkimi-takaan-tairo pintzikaa-pitha-jiityaaromi noyaaripironka airo piñaantaaro, Pinkimi-takaantiro pishi-pitha-tajinaromi okaratzi owaaripiro-takinari.

¹⁰ ¡Pawá! Piiti-siri-tajina. Pisiyakaantiro piwakira-tajinaromi nosiri, tampatzika-siri nonkantajyaa.

¹¹ Airo pookana. Airo paapitha-tanaro kitikiri pitasorinka.

¹² Papiitajiro panintaa-kaiyaana pikimitajiro owakira piwawisaa-kotaana. Piwasi-tapii-tanta-jyaanaro iroopirori pitasorinka.

¹³ Irootaki noyomitaan-tajyaariri ikaratzi kisimawai-tzimiri ikimisantajimi, Impiyasi-tajimi ikaratzi kaaripiro-witain-chari.

¹⁴ ¡Ñaamisa Pawá, owawisaa-kotaanarí! Pimpyaako-tajinaro nowakantaki. Kamini-waanti nompanthaa-wintajimi awiroka pitampatzika-siri-tzira.

¹⁵ ¡Pawá! Piwinthachiratakaina. Pinkatha-waanti nonkantajyaa nompanthaa-wintajimi.

¹⁶ Tima ti onimotajimi namasi-waityaamiri nompomitiri natsipi-takaani. Ti pinintajiri okatziyainkati iyachaaryiinka nopomita-siwai-tamiri.

¹⁷ Iro pininta-piro-tajiri awiroka Pawa piñiina onkatsi-tzimo-siri-tajina okaratzi nantzimo-tzimiri. Tima inkarati ikimita-kaantaitari iriipirori yatsipi-takaitani ipomitai-tziniriri Pawa, iriitaki atziri okatsitzimo-siri-tziri iyaari-pironka.

¹⁸ Pinkimi-takaantiro paakamiitha-tairimi Kisakowintoni-satzi, pinisironka-tairi. Pisiyakaantiro papiita-jiromi pimpiriintairo otanto-payi Aapatyaawini.

¹⁹ Ari inimota-jimiri ipomitai-tziri yatsipi-takaitani kamiitha-piro-tatsiri, Iriitaki mapirotaironi onkatziyainkati iyachaaryiinka impomitai-timiri, maaroni ikaratzi yasitakai-tamiri ipomitai-tziri. Aritaki impomitai-tajimiri ipiraitari pomitai-rontsiki.